ఒకే ఒక్క పాత్రలో ఎడిటింగ్ లేకుండా సింగిల్ షాట్లో చిత్రీకరించిన చిత్రం '105 మినిట్స్'. హన్సిక ప్రధానపాత్రలో నటించిన ఈ సినిమాను రాజు దుస్సా తెరకెక్కించారు. బొమ్మన్ శివ నిర్మించారు. ఈ చిత్రం నిర్మాణాంతర కార్యక్రమాలు పూర్తి చేసుకొని విడుదలకు సిద్ధమైంది. ఈ సందర్భంగా బుధవారం హైదరాబాద్లో విలేకర్ల సమావేశం నిర్వహించింది చిత్రబృందం. ఈ కార్యక్రమంలో హీరోయిన్ హన్సిక మాట్లాడుతూ.. "నేనిప్పటి వరకు చేసిన సినిమాల్లో సవాల్గా అనిపించిన చిత్రమిదే"నని చెప్పారు.
"సినిమాలోని ప్రతి షాట్ ఇరవై నిమిషాల పైన ఉన్నా.. హన్సిక నో అనకుండా చేసింద"ని అన్నారు దర్శకుడు. నిర్మాత మాట్లాడుతూ.."ఆరు రోజుల్లోనే చిత్రీకరణ పూర్తి చేశాం. త్వరలోనే ప్రేక్షకుల ముందుకు తీసుకొస్తామ"ని తెలిపారు. ఈ చిత్రానికి సామ్ సి.యస్ సంగీతాన్ని సమకూర్చగా.. కిషోర్ బోయిదాపు సినిమాటోగ్రాఫర్గా వ్యవహరించారు.
ఇదీ చూడండి.. 'హీరో వెంకటేశ్తో నా ప్రతి సినిమా గురించి చర్చిస్తా!'
