Akhanda Collections till date: నందమూరి నటసింహం బాలకృష్ణ సెంచరీ కొట్టారు. సెంచరీ కొట్టడమేంటి అనుకుంటున్నారా? విషయమేమిటంటే.. ఆయన నటించిన తాజా చిత్రం 'అఖండ' థియేటర్లు దద్దరిల్లేలా గర్జిస్తూ బాక్సాఫీస్ను షేక్ చేస్తోంది. ఈ చిత్రం విడుదలైన పది రోజుల్లోనే రూ.102కోట్ల గ్రాస్ మార్క్ను టచ్ చేసిందని తెలిసింది. అలాగే రూ.61.5కోట్ల షేర్ను దాటిందని సినీ విశ్లేషకులు చెబుతున్నారు.
అంతకుముందు క్రిష్ దర్శకత్వంలో వచ్చిన 'గౌతమిపుత్ర శాతకర్ణి' సినిమా బాక్సాఫీస్ వద్ద రూ.75 కోట్లు వసూళ్లు చేయగా..ఈ చిత్రంతో కెరీర్లో తొలిసారి రూ.100కోట్ల గ్రాస్ను అందుకున్నారు బాలయ్య! ఇక ఈ సినిమా ప్రీరిలీజ్ బిజినెస్ రూ.53కోట్లు జరిగినట్లు సమాచారం.
- " class="align-text-top noRightClick twitterSection" data="">
ఓవర్సీస్లోనూ దూకుడు
'అఖండ' చిత్రం విదేశాల్లోనూ సత్తా చాటుతోంది. కలెక్షన్ల పరంగా బాలయ్య కెరీర్లో తొలిసారిగా 1మిలియన్ మార్క్ను అందుకోబోతుంది. ఇప్పటికే 9లక్షల 50వేల డాలర్లు వసూలు చేసినట్లు సమాచారం.
'సింహ', 'లెజెండ్' తర్వాత బోయపాటి-బాలయ్య కాంబోలో వచ్చిన హ్యాట్రిక్ సినిమా ఇది. ఈ చిత్రంలో బాలయ్య సరసన ప్రగ్యా జైస్వాల్ హీరోయిన్గా నటించింది. శ్రీకాంత్, పూర్ణ కీలకపాత్రల్లో కనిపించారు. తమన్ సంగీతమందించగా, మిర్యాల రవీందర్ రెడ్డి నిర్మించారు.
- " class="align-text-top noRightClick twitterSection" data="">
ఇదీ చూడండి: Akhanda Sequel: బాలయ్య 'అఖండ'కు సీక్వెల్.. నిజమేనా?
