Poco M6 Pro 5G Sale News : షావోమీ సబ్బ్రాండ్ పోకో భారతమార్కెట్లో Poco M6 Pro 5G స్మార్ట్ఫోన్ను లాంఛ్ చేసింది. ఆగస్టు 9 నుంచి ఈ స్మార్ట్ఫోన్ ఫ్లిప్కార్ట్లో అందుబాటులో ఉంటుందని కంపెనీ స్పష్టం చేసింది.
పోకో ఎం6 ప్రో 5జీ స్పెసిఫికేషన్స్
Poco M6 Pro 5G Specifications :
- డిస్ప్లే : 6.79 అంగుళాల ఫుల్ హెచ్డీ+ 90Hz రిఫ్రెష్రేట్
- ప్రాసెసర్ : క్వాల్కమ్ స్నాప్డ్రాగన్ 4 జెన్2
- ఓఎస్ : ఆండ్రాయిడ్ 13 బేస్డ్ MIUI 14
- స్టోరేజ్ : 4జీబీ + 64 జీబీ & 6జీబీ+128జీబీ
- బ్యాటరీ : 5000mAH + 18వాట్ ఫాస్ట్ ఛార్జింగ్ సపోర్ట్
- రియర్ కెమెరా : 50 ఎమ్పీ ఏఐ సెన్సార్ + 2ఎమ్పీ డెప్త్ సెన్సార్
- ఫ్రంట్ కెమెరా : 8 మెగాపిక్సెల్
పోకో ఎం6 ప్రో 5జీ ఫీచర్స్
Poco M6 Pro 5G Features : పవర్ బ్లాక్, ఫారెస్ట్ గ్రీన్ అనే రెండు కలర్ వేరియంట్స్తో ఈ ఫోన్ వస్తుంది. దీనిలో సైడ్ మౌంటెడ్ ఫింగర్ప్రింట్ స్కానింగ్ ఫీచర్ ఉంది. ఈ స్మార్ట్ఫోన్ గొరిల్లా గ్లాస్ 3 ప్రొటెక్షన్తో వస్తుంది. ఇది 6.79 అంగుళాల ఫుల్ హెచ్డీ + 90Hz రిఫ్రెష్రేట్, 240Hz టచ్ సాంప్లింగ్ రేట్తో పనిచేస్తుంది. దీనిలో క్వాల్కమ్ స్నాప్డ్రాగన్ 4 జెన్ 2 ప్రాసెసర్ ఉంది. ఆండ్రాయిడ్ 13 బేస్డ్ MIUI 14తో పనిచేసే ఈ స్మార్ట్ఫోన్కు మరో 2 మేజర్ ఓఎస్ అప్డేట్స్ రానున్నాయి. అలాగే మూడేళ్ల వరకు సెక్యూరిటీ అప్డేట్స్ కూడా ఇస్తామని కంపెనీ స్పష్టం చేసింది. పోకో ఎం 6 ప్రో 5జీ ఫోన్ టైప్-సి యూఎస్బీ సపోర్ట్తో వస్తుంది. అలాగే దీనికి IP53 డస్ట్ అండ్ స్ల్పాష్ రెసిస్టెన్స్ కూడా ఉంది.
పోకో ఎం6 ప్రో 5జీ ధర
Poco M6 Pro 5G Price : ఆగస్టు 9 నుంచి ఈ-కామర్స్ వెబ్సైట్ ఫ్లిప్కార్ట్లో ఈ పోకో ఎం6 ప్రో 5జీ ఫోన్ అందుబాటులో ఉంటుంది. ఈ ఫోన్లో రెండు స్టోరేజ్ వేరియంట్లు ఉన్నాయి. అవి :
- 4జీబీ+64జీబీ స్టోరేజ్ వేరియంట్ పోకో ఫోన్ ధర రూ.9,999గా నిర్ణయించారు.
- 6జీబీ+128జీబీ స్టోరేజ్ వేరియంట్ పోకో ఫోన్ ధర రూ.12,999గా ఉంది.
