ఎడ్ల బండిని ఢీకొన్న కారు... ఎద్దులు మృతి, నలుగురికి గాయాలు

కారు.. ఎడ్ల బండిని ఢీకొన్న ప్రమాదంలో రెండు ఎద్దులు మృతి చెందటంతోపాటు.. నలుగురికి గాయాలయ్యాయి. ఈ ఘటన కడప జిల్లా ఖాజీపేట మండలంలో జరిగింది.

కడప జిల్లా ఖాజీపేట మండలం రావులపల్లె చెరువు వద్ద జాతీయ రహదారిపై జరిగిన రోడ్డు ప్రమాదంలో నలుగురు గాయపడ్డారు. చెన్నూరు పెన్నా నది నుంచి ఖాజీపేట వైపునకు ఇసుకతో వస్తున్న ఎడ్ల బండిని వెనుకనే వస్తున్న కారు ఢీకొట్టింది. ఈ ప్రమాదంలో రెండు ఎద్దులు మృతి చెందాయి. కారులో ప్రయాణిస్తున్న ఇద్దరితోపాటు బండిలో ఉన్న ఇద్దరు గాయపడ్డారు. క్షతగాత్రులను చికిత్స కోసం ప్రభుత్వాసుపత్రికి తరలించారు. ఈ ప్రమాదంలో కారు ముందు భాగం నుజ్జునుజ్జు అయింది.

ఇదీ చదవండి: