కేఏ పాల్​పై హైదరాబాద్​లో చీటింగ్​ కేసు

ప్రజాశాంతి పార్టీ అధ్యక్షుడు కేఏ పాల్​పై హైదరాబాద్​లోని పంజాగుట్ట పోలీస్​ స్టేషన్​లో చీటింగ్ కేసు నమోదైంది. రూ.2 లక్షలు తీసుకుని అమెరికా వెళ్లేందుకు విజిట్​ వీసాతో పాటు స్పాన్సర్​షిప్​ లెటర్​ ఇస్తానని, తీరా సమయానికి మరింత భారీ మొత్తం డిమాండ్​ చేసినట్లు రామచంద్రాపురానికి చెందిన ఓ మహిళ పంజాగుట్ట పీఎస్​లో కేసు నమోదు చేశారు.

మత ప్రచారకుడు, ప్రజాశాంతి పార్టీ అధ్యక్షుడు కేఏ పాల్​పై హైదరాబాద్‌ పంజాగుట్ట పోలీస్‌ స్టేషన్‌లో కేసు నమోదైంది. అమెరికాకు తీసుకెళ్తానని డబ్బులు తీసుకుని మోసం చేశాడంటూ పాల్​పై ఓ మహిళ పంజాగుట్ట పోలీస్ స్టేషన్లో ఫిర్యాదు చేశారు. విజిట్ వీసా, స్పాన్సర్​షిప్​ లెటర్ అందిస్తానని 15 లక్షలు డిమాండ్ చేసినట్లు ఆమె ఆరోపించారు. ఇప్పటికే రెండు లక్షల రూపాయలకు చెక్కు ఇవ్వగా ఆ మొత్తాన్ని బ్యాంకు నుంచి కూడా తీసుకున్నారని రామచంద్రపురానికి చెందిన సత్యవతి అనే మహిళ కేసు నమోదు చేశారు. ఈ నెల 8న రూ.2 లక్షల చెక్కు తీసుకుని డబ్బులు డ్రా చేసి స్పాన్సర్​షిప్ లెటర్ ఇవ్వకపోవడం వల్ల తాను పోలీసులను ఆశ్రయించినట్లు ఆమె తెలిపారు. పోలీసులు కేఏ పాల్​తో పాటు మరో ఇద్దరిపై చీటింగ్ కేసు నమోదు చేసి దర్యాప్తు చేస్తున్నారు.

ఇవీ చూడండి: ఒకే విమానంలో గవర్నర్​, కేసీఆర్​, జగన్​