లక్షల మంది భారతీయుల డేటా చోరీ.. ఆ మార్కెట్లో అమ్మకం!

పెరుగుతున్న సాంకేతికతతో పాటు సైబర్​ నేరాలూ ఎక్కువవుతున్నాయి. దాదాపు 6 లక్షల మంది భారతీయుల డేటా చోరీకి గురైంది. పైగా ఆ డేటాను అమ్మకానికి ఉంచారు హ్యాకర్లు. ఈ మేరకు ఓ సంస్థ చేపట్టిన అధ్యయనంలో వెల్లడైంది.

సాంకేతికత ఏ స్థాయిలో వృద్ధి చెందుతోందో సైబర్‌ మోసాలూ అదే స్థాయిలో పెరిగిపోతున్నాయి. తాజాగా అలాంటి ఉదంతమే ఒకటి వెలుగుచూసింది. ప్రపంచవ్యాప్తంగా 50 లక్షల మంది వ్యక్తుల డేటాను హ్యాకర్లు చోరీ చేసి బాట్‌ మార్కెట్లో విక్రయించినట్లు వెల్లడైంది. అందులో అత్యధికంగా భారత్‌ నుంచే 6 లక్షల మంది వివరాలు ఉన్నాయని వీపీఎన్‌ సర్వీస్‌ ప్రొవైడర్‌ నార్డ్‌ వీపీఎన్‌ తన అధ్యయనంలో పేర్కొంది. గత నాలుగేళ్లుగా బాట్‌ మార్కెట్‌లో విక్రయానికి ఉంచిన వివరాల ఆధారంగా ఈ నివేదికను రూపొందించింది.