Shooting In Canada 2022 : కెనడాలో కాల్పులు కలకలం సృష్టించాయి. ఆదివారం ఓ దుండగుడు జరిపిన కాల్పుల్లో ఐదుగురు మరణించినట్లు పోలీసులు తెలిపారు. అనంతరం నిందితుడిపై పోలీసులు కాల్పులు జరపగా అతడు అక్కడికక్కడే మృతి చెందినట్లు వెల్లడించారు. ఒంటారియోలోని టొరంటో శివారులో ఉన్న ఓ కండోమినియం యూనిట్లో ఈ కాల్పులు జరిగినట్లు జేమ్స్ మాక్స్వీన్ అనే ఓ పోలీసు అధికారి తెలిపారు.
నిందితుడు గన్తో వచ్చి ఒక్కసారిగా యూనిట్లో కాల్పులు జరిపాడు. ఆ కాల్పుల్లో ఐదుగురు మృతి చెందగా మరో వ్యక్తి గాయపడ్డారని.. ప్రస్తుతం అతడు ఆస్పత్రిలో చికిత్స పొందుతున్నట్లు జేమ్స్ తెలిపారు. నిందితుడు వివరాలు ఇంకా తెలియాల్సి ఉందని.. దీనిపై దర్యాప్తు చేస్తున్నట్లు అధికారులు వెల్లడించారు.
