Boy fell from 29th floor: అమెరికాలోని ఆకాశహర్మ్యాల నగరమైన న్యూయార్క్లో దారుణం జరిగింది. మూడేళ్ల బాలుడు ఎత్తైన భవనం పైనుంచి కిందపడి మరణించాడు. శనివారం ఉదయం ఈ ఘటన జరిగిందని పోలీసులు తెలిపారు. హర్లీమ్ ప్రాంతంలో ఉన్న.. టైనో టవర్స్ రెసిడెన్షియల్ కాంప్లెక్స్లోని అపార్ట్మెంట్లో ఈ ఘటన జరిగింది. బాలుడు 29వ అంతస్తులోని ఓ కిటికీ నుంచి పడిపోయాడని పోలీసులు చెప్పారు.
'ఉదయం 11.09కి మాకు సమాచారం అందింది. బాలుడు మూడో అంతస్తు వద్ద ఏర్పాటు చేసిన తాత్కాలిక నిర్మాణంపై పడిపోయాడు. బాలుడిని ఆస్పత్రికి తీసుకెళ్లాం. అతడు ప్రాణాలు కోల్పోయాడని వైద్యులు నిర్ధరించారు. కిటికీలో నుంచి బాలుడు బయటకు వచ్చాయని అనుమానిస్తున్నాం. అయితే, అలా ఎలా వచ్చి ఉంటాడన్న విషయంపై దర్యాప్తు చేస్తున్నాం. బాలుడు పడిపోయినప్పుడు ఇంట్లో ఉన్న ఇద్దరిని ప్రశ్నిస్తున్నాం' అని అధికారులు చెప్పారు.
