మసీదు లక్ష్యంగా మరో బాంబు పేలుడు.. 47 మంది మృతి

అఫ్గానిస్థాన్‌లోని ఓ మసీదులో భారీ పేలుడు సంభవించింది. శుక్రవారం ప్రార్థనలే లక్ష్యంగా ఈ దాడి జరిగినట్లు తెలుస్తోంది. కాందహార్‌లో జరిగిన ఈ ఘటనలో 47 మంది ప్రాణాలు కోల్పోయినట్లు ఆసుపత్రి వైద్యులు తెలిపారు. మరో 70 మందికిపైగా గాయాలయ్యాయి. ఘటనపై దర్యాప్తు కొనసాగుతోందని వివరించారు.

ఈ బాంబు దాడి తమ పనేనని ఇస్లామిక్​ స్టేట్​ గ్రూప్​(ఐసిస్​) ప్రకటించింది. 

షియా మైనారిటీలే లక్ష్యంగా ఐసిస్​ తరచూ దాడులకు పాల్పడుతోంది. గతవారం.. కుందుజ్‌ షియా మసీదులో ఆ సంస్థ జరిపిన ఆత్మాహుతి దాడిలో 46 మంది మరణించారు.