ప్రపంచంపై కరోనా ఉద్ధృతి ఏ మాత్రం తగ్గడం లేదు. రోజుకు లక్షల చొప్పున కొత్త కేసులు నమోదవుతుండగా.. మొత్తం బాధితుల సంఖ్య 4 కోట్లకు ఎగబాకింది.
వైరస్ వ్యాప్తిని అరికట్టేందుకు థాయ్లాండ్.. మయన్మార్ సరిహద్దులను మూసివేస్తున్నట్టు ప్రకటించింది. సరిహద్దు నగరమైన మే సాట్లో ఇటీవల నిర్వహించిన కరోనా పరీక్షల్లో ఐదుగురికి పాజిటివ్గా తేలడం వల్ల ఈ నిర్ణయం తీసుకుంది థాయ్ ప్రభుత్వం. ఆ దేశంలో మొత్తం 3,686 కేసులు వెలుగు చూడగా.. 59 మంది వైరస్కు బలయ్యారు.
ఇంగ్లాండ్లో ఇప్పటివరకు 7.05 లక్షల మంది కరోనా కేసులు నమోదయ్యాయి. వారిలో 43వేల 579 మంది చనిపోయారు.
- కొవిడ్ కేసుల పరంగా అగ్రస్థానంలో ఉన్న అమెరికాలో ఇప్పటివరకు 83.43 లక్షల మంది వైరస్ బారినపడ్డారు. 2.24 లక్షల మంది మరణించారు.
- రష్యాలో వైరస్ కేసుల సంఖ్య స్థిరంగా పెరుగుతోంది. మరో 15,099 కేసులు వెలుగుచూడగా.. మొత్తం బాధితుల సంఖ్య 14లక్షలకు సమీపించింది. 185 కొత్త మరణాలతో.. మొత్తం మృతుల సంఖ్య 24,187కు పెరిగింది.
- మెక్సికోలో మరో 5,447 కరోనా కేసులు బయటపడ్డాయి. ఫలితంగా బాధితుల సంఖ్య 8.47 లక్షలు దాటింది. వైరస్ ధాటికి మరో 355 మంది బలవ్వగా.. మరణాల సంఖ్య 86వేలు దాటింది.
- బంగ్లాదేశ్లో ఒక్కరోజులో 1,274 మందికి కరోనా నిర్ధరణ అయింది. కేసుల సంఖ్య 3లక్షల 88వేలు దాటింది. ఇప్పటివరకు అక్కడ 5,660 కొవిడ్ మరణాలు నమోదయ్యాయి.
- పాక్లో కొత్తగా 567 మందికి కొవిడ్ పాజిటివ్గా తేలింది. బాధితుల సంఖ్య 3.23 లక్షలకు పెరిగింది. వైరస్ కారణంగా మొత్తం 6,654 మంది ప్రాణాలు కోల్పోయారు.
- సింగపూర్లో మొత్తం కేసుల సంఖ్య 57,911కి చేరగా.. 28 మరణాలు సంభవించాయి.
ఇదీ చదవండి: న్యూయార్క్లో థియేటర్స్ రీఓపెన్- షోకు 50 మందే!
