KGF 2 Collectons records: టాలీవుడ్ టు బాలీవుడ్.. ఇప్పుడంతా 'కేజీఎఫ్ 2' రాఖీభాయ్దే హవా కొనసాగుతోంది. బాక్సీఫీస్ ముందు రికార్డులు సృష్టించిన 'ఆర్ఆర్ఆర్'ను మించి ఊహించని రీతిలో వసూళ్లను అందుకుంటోంది! కన్నడ రాకింగ్ స్టార్ యశ్ హీరోగా నటించిన చిత్రమిది. 'కేజీఎఫ్ 1'కు సీక్వెల్గా తెరకెక్కిన ఈ చిత్రానికి ప్రశాంత్ నీల్ దర్శకుడు. ఏప్రిల్ 14న విడుదలైన ఈ మూవీకి ప్రేక్షకులు బ్రహ్మరథం పడుతున్నారు. తెలుగు, తమిళ, మలయాళ, కన్నడ, హిందీ భాషల్లో రికార్డులను కొల్లగొడుతోంది.
దేశవ్యాప్తంగా వీకెండ్లో భారీ మొత్తంలో వసూళ్లు అందుకున్న తొలి చిత్రంగా నిలిచింది 'కేజీఎఫ్ 2'. కామ్స్కోర్ నివేదిక ప్రకారం గ్లోబల్ బాక్సాఫీస్లో ఏప్రిల్ 15 నుంచి 17 మధ్య అత్యధిక కలెక్షన్లను సాధించిన సినిమాల్లో 'కేజీఎఫ్' రెండో స్థానంలో నిలిచింది. కాగా, విడుదలైన నాలుగు రోజుల్లోనే ప్రపంచవ్యాప్తంగా రూ.500కోట్లకు పైగా కెలెక్ట్ చేసింది. తొలి రోజు(రూ.165.37కోట్లు), రెండో రోజు(రూ.139.25), మూడో రోజు(రూ.115.08), నాలుగో రోజు(రూ.132.13) వచ్చినట్లు ట్రేడ్ వర్గాలు పేర్కొన్నాయి.
Bollywood KGF 2 collections record: ఇక బాలీవుడ్లోనూ చరిత్ర సృష్టించిన 'కేజీఎఫ్ 2' మరో ఘనత సాధించనుంది. అత్యంత వేగంగా రూ.200కోట్ల క్లబ్లో అడుగుపెట్టనున్న తొలి చిత్రంగా ఘనత అందుకోనుంది. నాలుగు రోజులు పూర్తయ్యేసరికి రూ.193.99కోట్లను కలెక్ట్ చేసింది. తొలి రొజు(రూ.53.95), రెండో రోజు(రూ.46.79), మూడో రోజు(రూ.42.90), నాలుగో రోజు(రూ.50.35) వసూళ్లను సాధించింది. ఐదో రోజు(సోమవారం) రూ.200కోట్లు దాటడం పక్కా అనే చెప్పాలి.
ఇదీ చూడండి: 'కేజీఎఫ్ 3' ప్రీ ప్రొడక్షన్ వర్క్ షురూ!
