ప్రభాస్ రాముడిగా బాలీవుడ్ ప్రముఖ డైరెక్టర్ ఓం రౌత్ తెరకెక్కించిన చిత్రం 'ఆదిపురుష్'. దాదాపు రూ.500 కోట్ల భారీ బడ్జెట్తో చిత్రీకరిస్తున్నారు. అయితే ఈ సినిమా యూనిట్ అక్టోబర్ 2న టీజర్ విడుదల చేసింది. అప్పటి నుంచి ఈ సినిమాపై విపరీతమైన ట్రోల్స్ చేస్తున్నారు నెటిజన్స్. తాజాగా ఈ చిత్రం పోస్టర్పై మరో ఆరోపణ వచ్చింది. ప్రభాస్ 'ఆదిపురుష్' పోస్టర్‌ను కాపీ కొట్టారని ఓ యానిమేషన్ స్టూడియో ఆరోపించింది. చిత్ర నిర్మాతలు టీ-సిరీస్ అసలు సృష్టికర్త ఎవరో చెప్పాలని డిమాండ్ చేసింది.
రాముడిగా ప్రభాస్ ఉన్న ఫోటోను ఇన్స్టాగ్రామ్లో స్టోరీ పెట్టింది వానర్ సేన అనే యానిమేషన్ సంస్థ. 'ఇంది ఎంత సిగ్గుచేటు. ఎంత అవమానకరం, టీ-సిరీస్ ఆర్ట్‌వర్క్‌ను అభివృద్ధి చేసింది ఎవరో ప్రస్తావించాలి' అంటూ అని క్యాప్షన్ పెట్టింది. తాజాగా మరో పోస్ట్ చేసిన యానిమేషన్ సంస్థ.. 'మేము ఒంటిరి వాళ్లం కాదు.. మేము ఒక సేన.. వానర సేన' అంటూ పేర్కొంది. ఓం రౌత్ దర్శకత్వంలో తెరకెక్కుతున్న ఈ చిత్రాన్ని 2023 సంక్రాంతికి విడుదల చేయాలని సినిమా యూనిట్ యోచిస్తోంది.
అయితే ఈ సినిమాపై జరుగుతున్న ట్రోలింగ్పై దర్శకుడు స్పందించారు. అది 3డీ సినిమా అని.. ఎక్కువ మందికి రీచ్ కావాలనే ఉద్దేశంతో యూట్యూబ్లో విడుదల చేశామని చెప్పాడు. దీంతో మరో అడుగు ముందుకేసి థియేటర్లలో కూడా విడుదల చేస్తామని ప్రకటించారు. అక్టోబర్ 6న థియేటర్లలో 'ఆదిపురుష్' 3డీ టీజర్ రిలీజ్ చేయనున్నట్లు ప్రకటించారు.
ఇవీ చదవండి: నవంబర్లో సెట్స్ మీదకు 'NBK 108'.. వచ్చే ఏడాది వేసవిలో రిలీజ్!
