Prabhas Salaar Movie : మూవీ లవర్స్ ఎప్పుడెప్పుడా అని ఎదురుచూస్తున్న ట్రైలర్ రానే వచ్చింది. వచ్చిన కొద్ది నిమిషాల్లోనే కొన్ని వేల లైక్స్తో షేక్ చేసింది ఆ వీడియో. 'సలార్' మీద ప్రేక్షకులకు ఉన్న ఆసక్తి అలాంటిది మరి. టీజర్ ఇచ్చిన అంచనాలతో ట్రైలర్పై బోలెడు ఆశలు పెట్టుకున్న ఫ్యాన్స్కు ఫలితం బాగానే దక్కింది. ప్రభాస్ మాస్ ర్యాంపేజ్.. పృథ్వీరాజ్ యాక్టింగ్ ఇలా ప్రతి ఒక్కటి ఆడియెన్స్ను తెగ ఆకట్టుకుంటోంది. ఇక ప్రభాస్సు కూడా ఈ మూవీ మంచి కమ్ బ్యాక్ ఇచ్చేలా ఉందని ఫ్యాన్స్ అంటున్నారు.
మరోవైపు డైరెక్టర్ ప్రశంత్ నీల్ తన మార్క్ను ఈ సినిమాలో స్పష్టంగా చూపించినట్లు ట్రైలర్ చూస్తే ఇట్టే అర్థమైపోతోంది. విజువల్స్ నుంచి స్టార్ల ఎంపిక వరకు అన్నింటి విషయంలో ఆయన జాగ్రత్తలు తీసుకున్నట్లు తెలుస్తోంది. అయితే ఈ సినిమా గురించి మరిన్ని ఆసక్తికర విషయాలను ప్రశాంత్ నీల్.. తాజాగా జరిగిన ఓ ఇంటర్వ్యూలో వెల్లడించారు.
'సలార్'ను తెరకెక్కించాలన్న ఆలోచన ఆయనకు 15 ఏళ్ల క్రితమే వచ్చిందని.. అయితే తన తొలి సినిమా 'ఉగ్రమ్' తర్వాత ఆయన 'కేజీఎఫ్' చిత్రీకరణలో బిజీ అయిపోయినట్లు పేర్కొన్నారు. దీంతో 8 ఏళ్ల తర్వాత 'సలార్'ను పట్టాలెక్కించారని వెల్లడించారు. ఇక 'సలార్' సినిమాను భారత్లోని వివిధ ప్రాంతాల్లో షూట్ చేసినట్లు తెలిపారు. అందులో ఎక్కువ భాగం హైదరాబాద్లోని రామోజీ ఫిల్మ్ సిటీలో జరిగిందని.. ఆ తర్వాత సింగరేణి గనులు, వైజాగ్, మంగళూరు ఓడరేవుల్లో కొంత భాగాన్ని చిత్రీకరించినట్లు వెల్లడించారు. అంతే కాకుండా ఈ సినిమాలో కొంత భాగాన్ని యూరప్‌లోనూ షూట్ చేశారని చెప్పారు. అలా షూటింగ్ మొత్తాన్ని 114 రోజుల్లో పూర్తి చేసినట్లు తెలిపారు.
ఈ మాట విన్న ఫ్యాన్స్ షాక్కు గురయ్యారు.. అంత పెద్ద సినిమాను ఇంత తక్కువ సమయంలో ఎలా చిత్రీకరించారని ఆశ్చర్యపోతున్నారు. మూవీ టీమ్ బలంగా ఉండటం వల్లే ఇది సాధ్యపడుతుందని సోషల్ మీడియాలో కామెంట్లు పెడుతున్నారు. మరోవైపు ఈ సినిమాలో కేవలం రెండు పాటలు మాత్రమే ఉంటాయని సమాచారం. దీంతో ఫ్యాన్స్ నిరాశ చెందుతున్నారు.
- " class="align-text-top noRightClick twitterSection" data="">
