Prabhas Salar update: పాన్ఇండియా స్టార్ ప్రభాస్ ఫ్యాన్స్కు నిరాశపరిచే వార్త మరొకటి బయటకు వచ్చింది. ఇప్పటికే 'ఆదిపురుష్' అప్డేట్ విషయంలో హర్ట్ అయిన అభిమానులకు 'సలార్' విషయంలోనూ ఇదే జరిగింది. ఆయన నటిస్తున్న సినిమాల్లో పవర్‌ప్యాక్డ్ యాక్షన్‌ ఎంటర్‌టైనర్‌ 'సలార్' ఒకటి. సెన్సేషనల్ డైరెక్టర్ ప్రశాంత్ నీల్ దర్శకత్వం వహిస్తున్న ఈ సినిమా మీద భారీ అంచనాలు ఉన్నాయి. కొద్ది రోజుల నుంచి ఈ సినిమాపై ఓ ఇంట్రెస్టింగ్ న్యూస్ వైరల్ అవుతోంది. ఈ మూవీ నుంచి ఓ సాలిడ్ గ్లింప్స్ను రిలీజ్ చేయాలని మేకర్స్ భావిస్తున్నారని ప్రచారం సాగింది. ఈ గ్లింప్స్ను 'కేజీఎఫ్ చాప్టర్-2'తో జత చేసి విడుదల చేస్తారని టాక్ వినిపించింది.
అయితే 'కేజీఎఫ్ 2' ప్రమోషన్స్లో పాల్గొన్న చిత్రబృందం ఈ విషయంపై క్లారిటీ ఇచ్చింది. అది నిజం కాదని నిర్మాతలు స్పష్టతనిచ్చారు. " కేజీఎఫ్ చాప్టర్ 2 చివరిలో సలార్ గ్లింప్స్ ప్లే చేస్తారనే రూమర్ పూర్తిగా తప్పు. సలార్ గురించి ప్రకటించడానికి సరైన సమయం కోసం ఎదురుచూస్తున్నాం" అని అన్నారు.
ఇదీ చూడండి: 'ఆదిపురుష్'పై దర్శకుడు ఓం రౌత్ స్పెషల్ ట్వీట్.. ఫ్యాన్స్ ఫైర్
