Prabhas Next Movie : వరుస సినిమాలో దూసుకెళ్తున్నారు పాన్ ఇండియా స్టార్ ప్రభాస్. బాలీవుడ్ డైరెక్టర్ ఓం రౌత్ దర్శకత్వంలో వచ్చిన 'ఆదిపురుష్' సినిమాలో ప్రభాస్ నటించారు. ఇప్పుడు ఈ విడుదలకు సిద్ధింగా ఉంది. ఈ చిత్రం జూన్ 16న ప్రపంపవ్యాప్తంగా విడుదల కానుంది. ఇదే కాకుండా నాగ్ దర్శకత్వంలో 'ప్రాజెక్ట్ కె' చేస్తున్నారు ప్రభాస్. ఈ సినిమా చిత్రీకరణ శరవేగంగా జరుపుకుంటోంది. మరోవైపు స్టార్ డైరెక్టర్ ప్రశాంత్ నీల్ తెరకెక్కిస్తున్న 'సలార్' కూడా రెగ్యులర్ షూటింగ్ జరుపుకుంటోంది. ఇక టాలీవుడ్ డైరెక్టర్ మారుతీ దర్శకత్వంలో మరో ఫ్యామిలీ ఎంటర్టైనర్ రూపొందుతోంది. ఇంతే కాకుండా 'అర్జున్ రెడ్డి'తో టాలీవుడ్ను షేక్ చేసిన సందీప్ రెడ్డి వంగతో 'స్పిరిట్' సినిమా చేస్తున్నారు రెబల్ స్టార్. ఇన్ని సినిమాలతో బిజీగా ఉన్న ప్రభాస్.. ఇప్పుడు మరో సినిమాకు గ్రీన్ సిగ్నల్ ఇచ్చారు. ఆ వివరాలు
గతేడాది 'సీతారామం'తో బ్లాక్ బస్టర్ అందించిన దర్శకుడు హను రాఘవపూడి. ఈయన డైరెక్షన్లో పనిచేసేందుకు ఆసక్తి చూపిస్తున్నారట ప్రభాస్. ఈ మేరకు సినీ వర్గాల్లో చర్చ నడుస్తోంది. ఈ క్రమంలో హను రాఘవపూడి ఓ సరికొత్త ప్రేమ కథను ప్రభాస్కు వినిపించినట్లు తెలుస్తోంది. అన్ని వర్గాల ప్రేక్షకులను ఆకట్టుకునేలా ఈ సినిమాను తెరకెక్కిస్తున్నట్టు సమాచారం. ఇదే విషయమై వీరిద్దరి మధ్య గత కొంతకాలంగా చర్చలు జరుగుతున్నట్లు టాక్. ఇక, ఈ సినిమాను కూడా వైజయంతీ మూవీస్ బ్యానర్పై తెరకెక్కిస్తున్నట్లు తెలుస్తోంది. అయితే, నాగ్ అశ్విస్ డైరెక్షన్లో వస్తున్న ప్రాజెక్టు కూడా ఇదే బ్యానర్పై తెరకెక్కుతోంది. ఈ ప్రాజెక్ట్ ఓకే అయితే.. ప్రభాస్ చేతిలో ఐదు సినిమాలుంటాయి.
ఇకపొతే, ప్రస్తుతం ఈ రెబల్ స్టార్ 'ఆదిపురుష్' ప్రమోషన్లలో తీరిక లేకుండా గడుపుతున్నారు. ఇటీవలే విడుదలైన ఈ సినిమా ట్రైలర్‌కు మంచి రెస్పాన్స్ వచ్చింది. పాటలతో హైప్ పెరిగిపోయింది. దీంతో మూవీపై అంచనాలు భారీగా ఏర్పడ్డాయి. రామాయణం ఆధారంగా తెరకెక్కిన ఈ చిత్రంలో రాముడిగా ప్రభాస్ నటించారు. సీత పాత్రలో బాలీవుడ్ హీరోయిన్ కృతి సనన్ మెరిశారు. రావణుడిగా సైఫ్ అలీ ఖాన్, లక్ష్మణుడిగా సన్నీ సింగ్ ప్రధాన పాత్రల్లో నటించారు. ఈ మూవీని టీ సిరీస్, రెట్రోపైల్స్ బ్యానర్లలో భూషన్ కుమార్, క్రిషన్ కుమార్, ఓం రౌత్, ప్రసాద్ సుతార్, రాజేశ్ నాయర్ సంయుక్తంగా నిర్మిస్తున్నారు. సాచేత్ పరంపరా సంగీతం సమకూర్చారు. తెలుగుతో పాటు తమిళ్, మలయాళం, కన్నడ, హిందీ భాషల్లో ఏక కాలంలో జూన్ 16న విడుదల కానుంది.
