నందమూరి నటసింహం బాలకృష్ణ-పవర్స్టార్ పవన్ కల్యాణ్ ఒకే వేదికపై ఎప్పుడెప్పుడు కనిపిస్తారా అని ఎంతో ఆరాటంగా ఎదురుచూస్తున్నారు అభిమానులు. అయితే అందుకు తగ్గట్టే అన్స్టాపబుల్ షోకు పవన్ గెస్ట్గా రాబోతున్నారని ప్రచారం సాగడంతో ఫ్యాన్స్ ఆనందానికి అవధులు లేకుండా పోయాయి. దీంతో పవన్ ఆ షోకు ఎప్పుడెప్పుడు వస్తారా.. వీరిద్దరు కలిసి ఎలా సందడి చేస్తారా అని ఎంతో ఆసక్తితో ఎదురు చూడటం ప్రారంభించారు. తాజాగా ఈ ప్రచారానికి బలం చేకూర్చేలా.. ఫ్యాన్స్కు డబుల్ ధమాకా ఇచ్చారు ఈ ఇద్దరు స్టార్స్. వీరిద్దరూ కలిసి ఓకే చోటు సందడి చేశారు.
వీరసంహారెడ్డి సెట్లో.. వీరసింహారెడ్డి సెట్లో బాలయ్యను మర్యాదపూర్వకంగా కలిశారు పవన్ కల్యాణ్. వీరసింహారెడ్డిలోని చివరి సాంగ్ షూటింగ్.. పవన్ కల్యాణ్ హరిహర వీరమల్లు చిత్రీకరణ అన్నపూర్ణ స్టూడియోస్లో జరుగుతోంది. ఈ నేపథ్యంలో బాలయ్యను వెళ్లి కలిశారు పవన్. ఇద్దరు కలిసి కాసేపు ముచ్చటించినట్లు తెలుస్తోంది. దానికి సంబంధించిన ఫొటోలు కూడా వైరల్ అవుతున్నాయి. ఇది చూసిన అభిమానులు జై బాలయ్య, జై పవర్స్టార్ అంటూ తెగ ట్రెండ్ చేస్తున్నారు. అన్స్టాపబుల్ షోలో పవన్ కల్యాణ్ రాకకు ఈ మీట్ సంకేతమని ఫ్యాన్స్ అభిప్రాయపడుతున్నారు.
ఇక పవన్-బాలయ్య అన్స్టాపబుల్ షో విషయానికొస్తే.. వీరిద్దరూ ఒకే వేదికపై కనిపిస్తే ఎలా ఉంటుంది అనే ఉత్కంఠ ఆడియెన్స్లో బాగా నెలకొంది. వీరిద్దరి మధ్య రాజకీయాలపై ఎలాంటి చర్చ ఉండబోతోంది, పవన్ వ్యక్తిగత జీవితం గురించి బాలయ్య ఏమని ప్రశ్నిస్తారు? అని చాలా అనుమానాలు అభిమానుల్లో మెదులుతున్నాయి. ఇకపోతే ఈ ఎపిసోడ్కు దర్శకుడు త్రివిక్రమ్ కూడా హాజరు కాబోతున్నట్లు తెలిసింది. ఇంకా ఈ ఎపిసోడ్లో మరో బిగ్ సర్ప్రైజ్ కూడా ఉండబోతున్నట్లు తెలుస్తోంది. షో మధ్యలో బాలకృష్ణ.. మెగాస్టార్ చిరంజీవి మధ్య సరదా ఫోన్ సంభాషణ కూడా ఉండనుందట.
పవన్ను సరదాగా ఆటపట్టించే విషయాలని బాలయ్య చిరంజీవిని అడిగి తెలుసుకోబోతున్నట్లు టాక్. మొత్తంగా ఈ ఎపిసోడ్ నిజంగా ఉందో లేదో తెలియదు గానీ.. వైరలవుతున్న ఈ ప్రశ్నలు మాత్రం ఆడియెన్స్లో తెగ ఆసక్తి రేకెత్తిస్తున్నాయి.
