ఒడియా ఇండస్ట్రీ ఓలీవుడ్కు చెందిన ప్రముఖ నటి, యాంకర్ రాజేశ్వరీ రే మోహపాత్ర కన్నుమూశారు. స్టేజ్ 4 క్యాన్సర్తో బాధపడుతున్న ఆమె బుధవారం ఆస్పత్రిలో చేరారు. అయితే చికిత్స పొందుతున్న క్రమంలో గురువారం తుదిశ్వాస విడిచారు. ఊపిరితిత్తుల క్యాన్సర్తో బాధపడుతున్న రాజేశ్వరీకి ఆ వ్యాధి మెదడుకు కూడా పాకింది. నాలుగో దశకు చేరుకున్న ఈ వ్యాధికి 2019 ఏప్రిల్ నుంచి ఆమె చికిత్స తీసుకుంటున్నారు.
రాజేశ్వరి మృతి పట్ల పలువురు సినీ ప్రముఖులు సంతాపం ప్రకటించారు. యాంకర్గా తన కెరీర్ను ప్రారంభించిన రాజేశ్వరి.. సీరియళ్లలో నటించి మంచి గుర్తింపు తెచ్చుకున్నారు. నెగటివ్ రోల్స్లో తనదైన శైలిలో నటించి రాజేశ్వరి ప్రేక్షకులను ఆకట్టుకున్నారు. సీరియళ్లే కాకుండా పలు సినిమాల్లో కూడా నటించి ఒడియా ఇండస్ట్రీలో తనకంటూ ప్రత్యేక గుర్తింపు సంపాదించారు రాజేశ్వరి.
ఇదీ చూడండి : మరోసారి తల్లికాబోతున్న ఐశ్వర్య.. ఇదిగో ప్రూఫ్!
