Spirit movie kiara advani: పాన్ ఇండియా స్టార్ ప్రభాస్- 'అర్జున్రెడ్డి' ఫేమ్ దర్శకుడు సందీప్వంగా దర్శకత్వంలో 'స్పిరిట్' సినిమా త్వరలో తెరకెక్కనుంది. అయితే ఈ చిత్రంలో హీరోయిన్ పాత్ర కోసం కియారా అద్వాణీ-రష్మిక పోటీ పడుతున్నట్లు ఇటీవలే జోరుగా ప్రచారం సాగింది. అయితే తాజాగా దీనిపై స్పందించిన కియారా ఆ వార్తలను కొట్టిపారేసింది. కియారాకు చెందిన ఓ ప్రతినిధి మాట్లాడుతూ.. "స్పిరిట్ చిత్రం కోసం ఎవరూ కియారాను సంప్రదించలేదు. ఒకవేళ సినిమా కన్ఫామ్ అయితే కియారా లేదా ఆమె టీమ్ ఈ విషయాన్ని అధికారికంగా తెలియజేస్తారు" అని అన్నారు. ప్రస్తుతం ప్రభాస్ 'సలార్', 'ప్రాజెక్ట్ కె' చిత్రాలతో బిజీగా ఉన్నారు. మరోవైపు సందీప్ వంగా కుడా యానిమల్ చిత్రాన్ని తెరకెక్కిస్తున్నారు. ఇవి పూర్తవ్వగానే స్పిరిట్ సెట్స్పైకి వెళ్తుంది. దీన్ని ప్రపంచవ్యాప్తంగా ఎనిమిది భాషల్లో రిలీజ్ చేయనున్నారు.
Suriya in kamlahassan vikram movie: యూనివర్సల్ స్టార్ కమల్హాసన్ నటిస్తున్న విక్రమ్లో మరో స్టార్ హీరో సూర్య నటిస్తున్నారని కొద్ది రోజులుగా ప్రచారం సాగుతోంది. దీనికి సంబంధించిన ఫొటోలు నెట్టింట్లో దర్శనమిస్తున్నాయి. అయితే తాజాగా దీనిపై క్లారిటీ ఇచ్చారు దర్శకుడు లోకేశ్ కనగరాజ్. సూర్య సినిమాలోని ఓ పవర్ఫుల్ పాత్రలో కనిపిస్తారని స్పష్టం చేశారు. ఇప్పటికే ఈ సినిమాలో స్టార్స్ విజయ్ సేతుపతి, ఫహద్ ఫాజిల్ కీలక పాత్రల్లో నటిస్తున్నారు. ఇటీవలే విడుదలైన చిత్ర ట్రైలర్లో కమల్తో పాటు వీరి యక్షన్ కూడా అదిరిపోయింది. కాగా, ఈ చిత్రాన్ని రాజ్‌ కమల్ ఫిల్మ్స్‌ ఇంటర్నేషనల్‌ పతాకంపై కమల్హాసన్, ఆర్‌. మహేంద్రన్‌ సంయుక్తంగా నిర్మించారు. అనిరుధ్‌ స్వరాలందించారు. జూన్‌ 3న సినిమా రిలీజ్ కానుంది.
ఇదీ చూడండి: ఓటీటీలోకి 'కేజీయఫ్'.. బిగ్బీపై ట్రోల్స్.. 'మేజర్' అప్డేట్
