KGF 2 1000 crores: ప్రశాంత్ నీల్ దర్శకత్వంలో కన్నడ రాకింగ్ స్టార్ యశ్ నటించిన చిత్రం 'కేజీయఫ్-2'. ఈ సినిమా సాధించిన విజయంతో యశ్ పాన్‌ ఇండియా స్టార్ అయిపోయాడు. రాఖీభాయ్‌గా స్టైల్, యాక్షన్‌తో అద్భుతంగా డైలాగ్స్‌ చెప్పి సినీప్రియులను ఎంతగానో ఆకట్టుకున్నాడు. ఏప్రిల్ 14న విడుదలైన ఈ మూవీ తొలి రోజు నుంచే సూపర్హిట్ టాక్తో దూసుకెళ్తూ ఇంకా బాక్సాఫీస్ వద్ద వసూళ్ల సునామీ సృష్టిస్తూనే ఉంది. బాలీవుడ్లో అయితే హిందీ సినిమాలకు కూడా సాధ్యం కాని.. వసూళ్లను రాబడుతోంది. ఇప్పటికే బీటౌన్లో రూ.350కు కోట్లకు పైగా కలెక్షన్లను అందుకొని.. ఆల్ టైమ్ బ్లాక్బస్టర్గా నిలిచింది. అయితే తాజాగా ఈ సినిమా మరో రికార్డును అందుకుంది. ప్రపంచవ్యాప్తంగా కలెక్షన్ల పరంగా రూ.వెయ్యి కోట్ల క్లబ్లోకి అడుగుపెట్టింది.
Acharya First day collections: మెగాస్టార్ చిరంజీవి, రామ్చరణ్ కలిసి నటించిన సినిమా 'ఆచార్య'. కొరటాల శివ దర్శకుడు. పూజాహెగ్డే హీరోయిన్. భారీ అంచనాల నడుమ శుక్రవారం విడుదలైన ఈ చిత్రం మిక్స్డ్ టాక్ తెచ్చుకుంది. అయినప్పటికీ తొలి రోజు మంచి వసూళ్లను అందుకుందని తెలిసింది. మొత్తంగా తెలుగు రాష్ట్రాల్లో రూ.29.50కోట్ల షేర్ రాగా రూ.40కోట్ల గ్రాస్ సాధించినట్లు ట్రేడ్ వర్గాలు చెబుతున్నాయి. ఇక రెస్టాఫ్ ఆఫ్ ఇండియా, ఓవర్సీస్ అంతా కలిపి రూ.35కోట్లు షేర్ రాగా మొత్తంగా రూ.52.05కోట్ల గ్రాస్ వచ్చినట్లు సమాచారం.
- నైజాం - రూ.7.99కోట్లు
- సీడెడ్ - రూ.4.60కోట్లు
- ఉత్తరాంధ్ర - 3.61కోట్లు
- ఈస్ట్ - 2.53 కోట్లు
- వెస్ట్ - 2.90కోట్లు
- గుంటూరు - 3.76కోట్లు
- కృష్ణా - 1.90కోట్లు
- నెల్లూరు - 2.30కోట్లు
ఇదీ చూడండి: 'మిషన్ ఇంపాజిబుల్' సీక్వెల్స్ రిలీజ్ డేట్స్ ఇవే!
