Jr NTR Devara : టాలీవుడ్ స్టార్ హీరో జూ.ఎన్టీఆర్ ప్రస్తుతం 'దేవర' సినిమా చిత్రీకరణలో బిజీగా ఉన్నారు. దర్శకుడు కొరటాల శివ ఈ సినిమాను పాన్ఇండియా రేంజ్లో తెరకెక్కిస్తున్నారు. అయితే తాజాగా ఈ సినిమాకు సంబంధించి ఓ వార్త సినీవర్గాల్లో హాట్టాపిక్గా మారింది. మరి అదేంటంటే?
నటనతో బీభత్సం సృష్టించే ఎన్టీఆర్.. 'ఆర్ఆర్ఆర్' సినిమాలో పులితో ఫైట్ చేయడం చూశాం. ఆ సీన్కు ఫ్యాన్స్ కేరింతలకు థియేటర్లు దద్దరిల్లిపోయాయి. కాగా తాజాగా డైరెక్టర్ కొరటాల శివ.. అలాంటి ఫైట్ సన్నివేశాన్ని 'దేవర' మూవీలోనూ తెరకెక్కించాలనుకుంటున్నారని టాక్. అయితే దర్శక ధీరుడు రాజమౌళి, ఎన్టీఆర్తో నేలపై తిరిగే పులితో ఫైట్ చేయిస్తే.. శివ మాత్రం సముద్రంలో తిరిగే అత్యంత ప్రమాదకర జీవి సొరచేపతో ఓ భారీ యాక్షన్ సీన్ తెరకెక్కించడానికి ప్లాన్ చేస్తున్నారట.
సముద్ర నేపథ్యంలో సాగే ఈ సినిమాలో.. సొరచేపతో హీరో ఫైట్ చేసే సన్నివేశాన్ని చిత్రీకరించేందుకు మూవీమేకర్స్ ప్లాన్ చేస్తున్నట్లు తెలుస్తోంది. ఈ క్రమంలో సొరచేప ఎపిసోడ్కు సంబంధించి ఫైట్ సీన్స్ డిజైన్ చేస్తున్నారట. కానీ మూవీటీమ్ నుంచి మాత్రం ఈ విషయంపై ఎలాంటి అప్డేట్ రాలేదు. కానీ ఒకవేళ ఇది నిజమైతే థియేటర్లలో రచ్చ రచ్చే అంటున్నారు ఎన్టీఆర్ ఫ్యాన్స్.
'దేవర' సినిమాతో దివంగత తార శ్రీదేవి కుమార్తె జాన్వీ కపూర్ తెలుగు ప్రేక్షకులకు పరిచయం కానుంది. బాలీవుడ్ స్టార్ నటుడు సైఫ్ అలీఖాన్ కీలక పాత్రలో కనిపించనున్నారు. సైఫ్ రాకతో ఈ సినిమాపై అంచనాలు భారీగా పెరిగాయి. ఈ సినిమా శరవేగంగా చిత్రీకరణ జరుపుకుంటోంది. ఎన్టీఆర్ ఆర్ట్స్, యువసుధ ఆర్ట్స్ బ్యానర్లు సంయుక్తంగా ఈ సినిమా నిర్మిస్తున్నారు. కాగా ఈ సినిమా వేసవి కానుకగా వచ్చే ఏడాది ఏప్రిల్ 5న లో విడుదలకానుంది.
గతంలో ప్రభాస్..
Prabhas Chatrapathi : అయితే టాలీవుడ్లో ఇదివరకే రెబల్ స్టార్ ప్రభాస్ 'ఛత్రపతి' సినిమాలో సొరతో ఫైట్ చేశారు. రాజమౌళి తెరకెక్కించిన ఈ సినిమా అప్పట్లో ప్రభాస్ రేంజ్ను ఇంకాస్త పెంచింది. ఈ సినిమాలో ప్రభాస్.. సొరచేపతో ఫైట్ సీన్కు ఫ్యాన్స్లో ఇప్పటికీ సపరేట్ ఫ్యాన్బేస్ ఉంది.
NTR Devara movie shooting : 'దేవర' కోసం ఎన్టీఆర్ అలా చేస్తున్నారా?
సినిమాల్లోకి జూనియర్ ఎన్టీఆర్ పెద్ద కొడుకు.. సితార పాపతో కలిసి.. నిజమేనా?
