ప్రస్తుతం చిత్రసీమలో నడుస్తున్న ట్రెండ్లో మల్టీస్టారర్ ఒకటి. ఇప్పటికే 'ఆర్‌ఆర్‌ఆర్‌' లాంటి భారీ బడ్జెట్ చిత్రంలో ఎన్టీఆర్, రామ్చరణ్ లాంటి స్టార్ హీరోలు కలిసి నటించడంతో ఈ మల్టీస్టారర్పై ప్రేక్షకుల్లో మరింత ఆసక్తి పెరిగింది. దీంతో దర్శకనిర్మాతలు వీటిపై దృష్టి పెట్టి కథలు సిద్ధం చేస్తున్నారు. ఈ నేపథ్యంలో పలు ఇంట్రెస్టింగ్ కాంబోల గురించి గాసిప్స్ వినిపిస్తున్నాయి. ఈ క్రమంలోనే తాజాగా మరో ఇంట్రెస్టింగ్ కాంబో గురించి వార్తలు వస్తున్నాయి.
అదేంటంటే.. ఇప్పటికే ఆర్ఆర్ఆర్తో మల్టీస్టారర్ చేసిన రాజమౌళి.. మళ్లీ అలాంటి జోనర్లోనే సినిమా తీయాలని భావిస్తున్నారట. ప్రస్తుతం సూపర్ స్టార్ మహేశ్ బాబుతో అడ్వెంచర్ నేపథ్యంలో ఆయన సినిమా చేస్తున్న సంగతి తెలిసిందే. ఇది పూర్తయ్యాక ఆయన నెక్ట్స్ ప్లాన్ ఏంటి అనేది ఇప్పుడే తైరపైకి వచ్చేసింది. ఇప్పుడిప్పుడే దీని గురించి చర్చ ప్రారంభమైంది. మహేశ్తో సినిమా తర్వాత మరో పవర్ ఫుల్ మల్టీస్టారర్ సినిమా కోసం ప్లాన్ చేస్తున్నారంట జక్కన్న. అదే ప్రభాస్-ఎన్టీఆర్ కాంబో.
ఇప్పటికే బాహుబలితో ప్రభాస్-ఆర్ఆర్ఆర్తో ఎన్టీఆర్ పాన్ ఇండియా హీరోలుగా మారిపోయారు. అంతేకాకుండా వారి క్రేజ్ కూడా ఈ చిత్రాలతో దేశవ్యాప్తమే కాకుండా ఇంటర్నేషనల్ రేంజ్లో పెరిగిపోయింది. అందుకే వీరిద్దరి కలయికో ఓ పవర్ ప్యాక్డ్డ్ పాన్ వరల్డ్ సినిమా తీయాలని జక్నన్న ఆలోచించినట్లు కథనాలు వస్తున్నాయి. మహేశ్ సినిమా తర్వాత దీని మీద పని చేయాలని అనుకుంటున్నారట. అయితే ఇందులో నిజమెంతో తెలియదు గానీ ఇది వినగానే సినీ ప్రేక్షకులు మాత్రం ఈ కాంబో నిజమైతే బాగుండు అని ఆశిస్తున్నారు. ఇంకొంత మంది గాసిప్ అదిరిందిలే అంటూ కామెంట్లు చేస్తున్నారు. కాగా, ఇప్పటికే ప్రభాస్తో మూడు ఎన్టీఆర్తో నాలుగు చిత్రాలు చేశారు రాజమౌళి.
ఇదీ చూడండి: అది కోహ్లీ రేంజ్.. ఆ లిస్ట్ టాప్-5లో చోటు.. కత్రిన, అలియా కూడా..
