కన్నడ చిత్రాలు కేజీయఫ్, చార్లీ 777, విక్రాంత్ రోణ సూపర్హిట్ కావడం వల్ల అక్కడి చిత్రాలకు బాగా క్రేజ్ ఏర్పడింది. ఈ క్రమంలోనే ఇటీవలే విడుదలైన చిత్రం 'కాంతారా'. సగటు ప్రేక్షకులనే కాదు సెలబ్రిటీలను సైతం మంత్ర ముగ్దుల్ని చేస్తోంది. దేశ వ్యాప్తంగా విశేష ఆదరణ దక్కించుకుంటోంది. తొలుత కన్నడలో చిన్న సినిమాగా విడుదలై ఆ తర్వాత అన్ని భాషల్లోనూ సూపర్హిట్గా నిలిచింది. విడుదలైన ప్రతి చోట కూడా భారీ కలెక్షన్లను అందుకుంటోంది. కన్నడ నుంచి కేజీయఫ్ తర్వాత మళ్లీ ఆ రేంజ్లో హిట్ అందుకుంది. నటునిగా, దర్శకునిగా రిషభ్ శెట్టిని మరో మెట్టు ఎక్కించింది. సంస్కృతి, సంప్రదాయాల నేపథ్యంలో యాక్షన్ ఎంటర్టైనర్గా రూపొందిందీ చిత్రం. అయితే ఆచారాలతో పాటు కమర్షియల్ హంగులను అద్ది దర్శకుడు రిషభ్ శెట్టి హిట్ను అందుకున్నారు.
కానీ చాలామందికి తెలియని విషయం ఏమిటంటే ఇదే కాన్సెప్ట్తో గతంలో కూడా కన్నడలో ఓ సినిమా వచ్చింది. ఆ చిత్రమే 'పింగారా'. ఈ మూవీని కన్నడ, తులు భాషల్లో రూపొందించారు. ఉత్తమ తుళు సినిమాగా జాతీయ అవార్డు కూడా వచ్చింది. ఇప్పుడీ సినిమాను తెలుగులో విడుదల చేసేందుకు సన్నాహాలు చేస్తున్నారు మేకర్స్. త్వరలోనే ఇది రిలీజ్ అయ్యే అవకాశం ఉంది.
ఇప్పుడు వచ్చిన కాంతారాతో పోలిస్తే ఇందులోనూ కన్నడ సంసృతీ, సాంప్రదాయాలకు పెద్దపీట వేశారు. కానీ కమర్షియల్ హంగులు ఉండవు. అట్టడుగు, బలహీన వర్గాల వారి పోరాటాల ఆధారంగా రూపొందిందీ చిత్రం. అయితే ఆ చిత్రానికి అప్పుడు అక్కడ అంతగా గుర్తింపు రాలేదట. మరి ఇప్పుడు తెలుగులో ఎలాంటి ఫలితాన్ని అందుకుంటుందో చూడాలి.
ఇదీ చూడండి: నయన్‌-విఘ్నేశ్‌ సరోగసీ.. విచారణ కమిటీ నివేదికలో ఏం చెప్పిందంటే?
