ఖైదీ నెంబర్‌150తో అదిరిపోయే రీ ఎంట్రీ ఇచ్చిన మెగాస్టార్ చిరంజీవి.. ఆ తర్వాత అదే జోరును కొనసాగించలేకపోయారు. ఆ తర్వాత వచ్చిన సైరా నరసింహారెడ్డి ఆశించిన స్థాయిలో ఆకట్టుకోలేకపోయింది. ఇక కొడుకు మెగాపవర్ స్టార్ రామ్చరమ్తో కలిసి చేసిన ఆచార్య కూడా డిజాస్టర్గా నిలిచింది. ఆ తర్వాత వచ్చిన గాడ్ఫాదర్.. మెగాస్టార్ రేంజ్కు తగ్గ సక్సెస్ను అందుకోలేకపోయింది. అయితే రీసెంట్గా వచ్చిన వాల్తేరు వీరయ్య మాత్రం.. వింటేజ్ చిరును గుర్తుచేస్తూ బాక్సాఫీస్ ముందు అదిరిపోయే బ్లాక్ బస్టర్ హిట్ను అందుకుంది. ఏకంగా రూ.200కోట్లకు పైగా వసూళ్లను సాధించింది. చిరు కెరీర్లో అదిరిపోయే కలెక్షన్స్ను అందుకుంది. దీంతో అటు చిరంజీవితో పాటు అటు మెగా అభిమానులు కూడా తెగ సంబరపడిపోయారు. దీంతో ఆయన నుంచి రాబోయే సినిమాపై ఆడియెన్స్లో ఆసక్తి మొదలైంది. అప్పటివరకు ఎటువంటి బజ్ లేని భోళాశంకర్పై హైప్ క్రియేట్ అయింది.
'వాల్తేరు వీరయ్య' సక్సెస్తో ఫుల్ జోష్ మీదున్న మెగాస్టార్ చిరంజీవి ప్రస్తుతం 'భోళాశంకర్' సినిమా చేస్తున్నారు. మెహర్‌ రమేష్‌ దర్శకత్వం వహిస్తున్న ఈ సినిమా.. ప్రస్తుతం శరవేగంగా షూటింగ్‌ జరుపుకుంటోంది. తమిళంలో సూపర్‌ హిట్గా నిలిచిన 'వేదాళం' చిత్రానికి రీమేక్‌గా తెరకెక్కుతోంది.
అయితే తాజాగా శివరాత్రి సందర్భంగా స్ట్రీక్ ఆఫ్ శంకర్ పేరుతో ఓ మోషన్ పోస్టర్ను రిలీజ్ చేశారు. ఇది చూస్తుంటే ఓ పాటకు సంబంధించిన స్టిల్ అని అర్థమవుతోంది. ఇందులో చిరు హోలీ రంగుల మధ్యలో చేతిలో ఢమరుకం పట్టుకుని ఓ అదిరిపోయే పోజులో కనిపించారు. డ్రెస్టింగ్ స్టైల్, లుక్ కూడా ఆకట్టుకునేలా ఉంది. ఇందులో చిరు స్ట్రైల్గా కనిపించారు. బ్యాక్ గ్రౌండ్ మ్యూజిక్ కూడా అదిరిపోయింది. ఇకపోతే రీసెంట్గా కోల్కతా బ్యాక్డ్రాప్ భారీ సెట్లో 200మంది డ్యాన్సర్లతో ఓ సాంగ్ షూట్ చేస్తున్నట్లు తెలిపారు. బహుశ ఆ సాంగ్ ఇదే అయి ఉండొచ్చు.
కాగా, ఈ సినిమాలో తమన్న హీరోయిన్‌గా నటిస్తోంది. చిరంజీవికి చెల్లెలిగా కీర్తి సురేష్‌ కనిపించనుంది. రఘుబాబు, రావు రమేష్‌, మురళీశర్మ, రవిశంకర్‌, వెన్నెల కిశోర్‌, తులసి, ప్రగతి, శ్రీముఖి, బిత్తిరి సత్తి, సత్య, గెటప్‌ శ్రీను, రష్మి గౌతమ్‌, ఉత్తేజ్‌, ప్రభాస్‌ శ్రీను తదితరులు కీలక పాత్ర పోషిస్తున్నారు. ఈ చిత్రాన్ని ఏకే ఎంటర్టైన్మెంట్స్ బ్యానర్పై నిర్మాత కె.ఎస్‌.రామారావు నిర్మిస్తున్నారు. ఇకపోతే పాటలకు రామజోగయ్య శాస్త్రి, కాసర్ల శ్యాం, శ్రీమణి, సిరా శ్రీ లిరిక్స్ అందిస్తున్నారు. శేఖర్‌ కొరియోగ్రఫీ అందిస్తున్నారు. రామ్ లక్ష్మణ్‌ ఫైట్ మాస్టర్స్గా వ్యవహరిస్తున్నారు.
- " class="align-text-top noRightClick twitterSection" data="">
ఇదీ చూడండి: గెట్ రెడీ ఫ్యాన్స్.. వచ్చే వారమే ఓటీటీలో బిగ్ స్టార్స్ మూవీస్
