నందమూరి నటసింహం బాలకృష్ణ వ్యాఖ్యాతగా మారి.. తనదైన శైలిలో అలరిస్తూ.. వచ్చిన సెలబ్రిటీలతో సందడి చేస్తున్న షో అన్స్టాపబుల్. ఆసక్తిరేకెత్తించే ప్రశ్నలు.. వినోదాన్ని అందించే అల్లరితో.. ఈ షో సీజన్ 2 కూడా యమా క్రేజ్ను దక్కించుకుంది. ఎప్పుడూ కెమెరా ముందుకు వచ్చి ఇంటర్వ్యూలు ఇవ్వని బడా స్టార్స్ కూడా బాలయ్య షోకి హాజరై సందడి చేస్తున్నారు. ఇప్పటికే పలువురు స్టార్ హీరోలు సందడి చేయగా.. ఇప్పుడు పవన్కల్యాణ్ కూడా రాబోతున్నారని గత కొద్ది రోజులుగా ప్రచారం సాగుతోంది. దీంతో పవన్-బాలయ్య ఒకే వేదికపై కనిపిస్తే ఎలా ఉంటుంది అనే ఉత్కంఠ ఆడియెన్స్లో బాగా నెలకొంది. వీరిద్దరి మధ్య రాజకీయాలపై ఎలాంటి చర్చ ఉండబోతోంది, పవన్ వ్యక్తిగత జీవితం గురించి బాలయ్య ఏమని ప్రశ్నిస్తారు? అని చాలా అనుమానాలు అభిమానుల్లో మెదులుతోంది. ఇకపోతే ఈ ఎపిసోడ్కు దర్శకుడు త్రివిక్రమ్ కూడా హాజరు కాబోతున్నట్లు తెలిసింది.
అయితే ఇందులో నిజమెంతో తెలియదు గానీ ఈ ఎపిసోడ్ గురించి మరో ఇంట్రెస్టింగ్ వార్త బయటకు వచ్చింది. బాలయ్య పవన్ను ఈ ప్రశ్నలు అడగబోతున్నారంటూ ప్రచారం సాగుతోంది. పవన్ రాజకీయ వ్యవహారాలు, సినిమాల విషయంలో త్రివిక్రమ్ ప్రమేయం ఉంటోంది అని బయట చాలా కాలంగా రూమర్ నడుస్తోంది. దాని గురించి బాలయ్య ప్రశ్నించనున్నారట. ఈ మధ్య కాలంలో రీమేక్ చిత్రాలు చేయడానికి గల కారణాన్ని బాలయ్య అడగనున్నారట. అలాగే పవన్-ఓ నటి మధ్య ఉన్న అనుబంధంపై చాలా కాలంగా ప్రచారంలో ఉన్న గాసిప్ గురించి క్లారిటీ తీసుకోబోతున్నారట.
ఇక ఈ ఎపిసోడ్లో మరో బిగ్ సర్ప్రైజ్ కూడా ఉండబోతున్నట్లు తెలుస్తోంది. షో మధ్యలో బాలకృష్ణ.. మెగాస్టార్ చిరంజీవి మధ్య సరదా ఫోన్ సంభాషణ కూడా ఉండనుందట. పవన్ను సరదాగా ఆటపట్టించే విషయాలని బాలయ్య చిరంజీవిని అడిగి తెలుసుకోబోతున్నట్లు టాక్. మొత్తంగా ఈ ఎపిసోడ్ నిజంగా ఉందో లేదో తెలియదు గానీ.. వైరలవుతున్న ఈ ప్రశ్నలు మాత్రం ఆడియెన్స్లో తెగ ఆసక్తి రేకెత్తిస్తోంది.
ఇదీ చూడండి: కేజీఎఫ్ బ్యూటీ మిలమిలా ఫ్యాన్స్ హృదయాలు విలవిలా
