Allu Arjun Trivikram Next Movie : ప్రముఖ టాలీవుడ్ దర్శకుడు సుకుమార్ తెరకెక్కించిన 'పుష్ప'తో సినిమా పాన్ ఇండియా రేంజ్లో మంచి గుర్తింపు తెచ్చుకున్నారు ఐకాన్ స్టార్ అల్లు అర్జున్. ఈ హింట్ కాంబో నుంచి 'పుష్ప-2' త్వరలో విడుదల కానుంది. పుష్ప తర్వాత వరుస సినిమాలకు ఓకే చెబుతున్నారు అల్లు అర్జున్. పాన్ ఇండియా ఆడియెన్స్ను దృష్టిలో పెట్టుకుని కొత్త ప్రజెక్టులకు గ్రీన్ సిగ్నల్ ఇస్తున్నారు. ఈ నేపథ్యంలో బన్నీ నుంచి రాబోయే తదుపరి అనౌన్స్మెంట్పై ఆసక్తి నెలకొంది. ఈ నేపథ్యంలో నెట్టింట్లో ఓ వార్త చక్కర్లు కొడుతోంది. అదేంటంటే..
టాలీవుడ్ మాటల మాంత్రికుడు త్రివిక్రమ్ శ్రీనివాస్ దర్శకత్వంలో 'జులాయి', 'సన్ ఆఫ్ సత్యమూర్తి', 'అలవైకుంఠపురంలో' లాంటి సూపర్ హిట్లు చిత్రాల్లో నటించారు బన్నీ. ఇప్పుడు ఈ హిట్ కాంబినేషన్ మరోసారి రిపీట్ అయ్యే అవకాశాలు కనిపిస్తున్నాయి. ఈ మేరకు సోషల్ మీడియాలో టాక్ నడుస్తోంది. ఇక, ఈ సినిమాలో అల్లు అర్జున్ సరసన.. మలయాళీ ముద్దుగుమ్మ సంయుక్తా మీనన్ హీరోయిన్గా నటించే అవకాశం ఉందట. అయితే, ఆ విషయానికి సంబంధించిన అధికారిక ప్రకటన త్వరలో వెలువడే అవకాశం ఉందని తెలుస్తోంది.
బన్నీ, త్రివిక్రమ్ శ్రీనివాస్ కాంబినేషలో వచ్చిన సినిమాలు ఓ రేంజ్లో హిట్ అందుకున్నాయి. ఇప్పుడు బన్నీ మరోసారి త్రివిక్రమ్ శ్రీనివాస్ దర్శకత్వంలో నటిస్తే.. అల్లు వారి అబ్బాయి క్రేజ్ మరో లెవల్కు వెళ్లే అవకాశం ఉంది. దీంతో పాటు త్రివిక్రమ్కు కూడా పాన్ ఇండియా స్థాయిలో తన మాటలతో మాయ చేయడానికి అవకాశం లభిస్తుంది.
తెలుగులో 'అర్జున్ రెడ్డి', హిందీలో 'కబీర్ సింగ్' సినిమాలతో వరుసగా భారీ హిట్లను అందుకుని సన్షేషన్ క్రియేట్ చేసిన డైరెక్టర్ సందీప్ రెడ్డి వంగా. 'పుష్ప-2' తర్వాత సందీప్ రెడ్డి, అల్లు అర్జున్ సినిమా పట్టాలెక్కనుంది. ఈ ప్రాజెక్ట్ను టీ సిరీస్, భద్రకాళి పిక్చర్స్ ప్రొడక్షన్ సంస్థలపై భూషణ్ కుమార్, కృష్ణ కుమార్, ప్రణయ్ రెడ్డి వంగా నిర్మించనున్నారు.
బన్నీ బాలీవుడ్ ఎంట్రీ!
అల్లు అర్జున్ బాలీవుడ్ ఎంట్రీ ఇవ్వనున్నాడనే వార్త అప్పట్లో సోషల్ మీడియాలో తెగ చక్కర్లు కొట్టింది. దీనికి ఇటీవల మళ్లీ ఈ వార్త సమాజిక మాధ్యమాల్లో వైరల్ అయింది. దీంతో అది నిజమే అనే వార్తలు వచ్చాయి. బాలీవుడ్ బాద్షా షారుక్ ఖాన్ నటిస్తున్న జవాన్ సినిమాలో బన్నీ రోల్ ఉందన్న విషయం గట్టిగానే వినిపిస్తోంది. అప్పట్లో చెప్పినట్లే ఈ సినిమాలో అల్లు అర్జున్ గెస్ట్ రోల్లో మెరవనున్నారట. అంతే కాకుండా ఈ సినిమాలో బన్నీ షెడ్యూల్ కూడా కంప్లీట్ అయ్యిందని టాక్.
