ఆడియెన్స్లో భారీ అసక్తిని నెలకొల్పేలా ఇండస్ట్రీలో మాస్-మెంటల్ మాస్ కాంబినేషన్ రెడీ అయింది. ఎంతో ఆసక్తిగా ఎదురుచూస్తున్న ఫ్యాన్స్ కోసం ఐకాన్ స్టార్ అల్లు అర్జున్ తన కొత్త సినిమాను ప్రకటించారు. తెలుగులో 'అర్జున్ రెడ్డి', హిందీలో 'కబీర్ సింగ్' సినిమాలతో వరుసగా భారీ హిట్లను అందుకుని సన్షేషన్ క్రియేట్ చేసిన సందీప్ రెడ్డి వంగాతో ఆయన సినిమా చేయనున్నారు. ఈ ప్రాజెక్ట్ను టీ సిరీస్, భద్రకాళి పిక్చర్స్ ప్రొడక్షన్ సంస్థలపై భూషణ్ కుమార్, కృష్ణ కుమార్, ప్రణయ్ రెడ్డి వంగా నిర్మించనున్నారు.
విషయానికొస్తే.. 'పుష్ప'తో బిగెస్ట్ బ్లాక్ బాస్టర్ అందుకున్న అల్లు అర్జున్ ఆ తర్వాత నుంచి ఇప్పటివరకు కొత్త సినిమాను ప్రకటించలేదు. అయితే ఆయన నెక్స్ట్ ఎలాంటి సినిమాతో వస్తారా, ఎప్పుడెప్పుడు తన కొత్త మూవీని ప్రకటిస్తారా అని అప్పటినుంచి అభిమానులు ఎదురుచూస్తునే ఉన్నారు. ఆయన కూడా ఓ వైపు కథలు వింటూనే.. మరోవైపు 'పుష్ప 2'తో బిజీగా గడుపుతున్నారు. అలా దాదాపుగా ఏడాది నుంచి పుష్ప మేకోవరే మెయిన్టెయిన్ చేస్తూ ఆ చిత్రం కోసమే పని చేస్తున్నారు. సుకుమార్ డైరెక్షన్లో మైత్రీ మూవీ మేకర్స్ సంస్థ నిర్మిస్తున్న ఈ మూవీపై భారీ అంచనాలు ఉన్నాయి. అసలే బాలీవుడ్లో కూడా 'పుష్ప' విజయం సాధించడం వల్ల.. ఉత్తరాది ప్రేక్షకులను మరింత ఆకట్టుకోవడానికి సీక్వెల్ను గట్టిగానే తెరకెక్కిస్తున్నారు. ఈ క్రమంలోనే ఇప్పుడు సందీప్ వంగాతో సినిమా ప్రకటించి ఫ్యాన్స్కు సర్ప్రైజ్ ఇచ్చారు బన్నీ. ఇకపోతే బన్నీ.. త్రివిక్రమ్ దర్శకత్వంలో హారిక అండ్ హాసిని క్రియేషన్స్ పతాకంపై ఓ సినిమా చేస్తారని వినికిడి. ఒకవేళ ఇది కూడా పక్కా అయితే.. అల్లు అర్జున్ చేతిలో రెండు సినిమాలు ఉన్నట్టు అవుతుంది.
ఇకపోతే సందీప్ వంగా చేతిలోనూ రెండు సినిమాలు ఉన్నాయి. 'అర్జున్ రెడ్డి', 'కబీర్ సింగ్' సినిమాలతో క్రేజ్ సంపాదించుకున్న సందీప్.. ఆ తర్వాత మహేశ్ బాబుతో సినిమా చేయాలని అనుకున్నారు. కానీ అది సెట్ కాలేదు. ఆ తర్వాత హిందీలో రణ్‌బీర్ కపూర్తో 'యానిమల్' మూవీ చేశారు. రష్మిక హీరోయిన్. షూటింగ్ పూర్తి చేసుకున్న ఈ సినిమా త్వరలోనే రిలీజ్ కానుంది. దీని తర్వాత రెబల్ స్టార్ ప్రభాస్తో భారీ బడ్జెట్తో 'స్పిరిట్' మూవీ చేయనున్నారు. ఇది ఇంకా సెట్స్పైకి వెళ్లలేదు. మరి ఇది పూర్తయ్యాక అల్లు అర్జున్ సినిమా తెరకెక్కిస్తారేమో చూడాలి. అలా బన్నీ పుష్ప 2, సందీప్ స్పిరిట్ అయ్యాకు 2025లో వీరి సినిమా తెరకెక్కే అవకాశం ఉంది.
ఇదీ చూడండి: Balagam Review: దర్శకుడిగా కమెడియన్ వేణు.. తొలి ప్రయత్నంలో హిట్ కొట్టినట్టేనా?
