గతేడాది సర్కారు వారి పాటతో సూపర్ హిట్ అందుకున్న సూపర్ స్టార్ మహేష్ బాబు ప్రస్తుతం త్రివిక్రమ్తో కలిసి ఓ సినిమా చేస్తున్నాడు. దీని తర్వాత దర్శకధీరుడు రాజమౌళితో బిగ్గెస్ట్ ఫ్రాంచైజ్ చేయనున్నాడు. అయితే తాజాగా మహేశ్-త్రివిక్రమ్ సినిమాకు సంబంధించి ఓ క్రేజీ న్యూస్ సోషల్ మీడియాలో వైరల్గా మారింది.
కంప్లీట్ ఫ్యామిలీ ఎంటర్టైనర్గా తెరకెక్కనున్న ఈ సినిమాలో ఓ పాత్ర కోసం అల్లు అర్జున్ కూతురు నటించనుందట. తాజా సినీవర్గాల సమాచారం ప్రకారం.. సినిమాలో ఓ కీలకపాత్రలో అల్లు అర్జున్ కూతురు అర్హ కనిపించనుందని టాక్. అర్హ ఇప్పటికే సమంత శాకుంతలం మూవీలో నటించింది. పైగా సోషల్ మీడియాలోనూ మంచి క్రేజ్ ఉంది. ఈ క్రమంలోనే అర్హను తీసుకునేందుకు మూవీటీమ్ ఆలోచిస్తుందట. మరి ఇందులో నిజమెంతో తెలియదు గానీ ప్రస్తుతం ఈ విషయం నెట్టింట్లో ట్రెండ్ అవుతోంది. ఈ విషయంపై స్పష్టత రావాలంటే అధికార ప్రకటన వచ్చే వరకు వేచి ఉండాల్సిందే.
ఇకపోతే ఈ మూవీ ప్రస్తుతం ప్రీ ప్రొడెక్షన్‌ పనులను జరుపుకుంటోంది. అతడు, ఖలేజా తర్వాత మహేశ్బాబు-త్రివిక్రమ్ కాంబినేషన్‌లో వస్తోన్న చిత్రమిది. #SSMB28గా ఇది ప్రచారంలో ఉంది. పవర్‌ఫుల్‌ కథాంశంతో ఈ సినిమా రానుందని సమాచారం. ఇందులో మహేశ్‌కు జోడీగా పూజాహెగ్డే నటించనున్నారు. తమన్‌ స్వరాలు అందిస్తున్నారు.
ఇదీ చూడండి: పాపం పునర్నవి ఆ సమస్యతో ఎంత బాధపడుతుందో
