తెలుగులో రూపుదిద్దుకొని భారతీయ చిత్రంగా విడుదలైన ఆర్ఆర్ఆర్కు అంతర్జాతీయ స్థాయిలో ప్రేక్షకులు బ్రహ్మరథం పట్టారు. ఎంతో మంది సెలబ్రిటీలు ఈ సినిమాను ఆకాశానికెత్తేశారు. ప్రతి డైరెక్టర్.. ఈ సినిమా గురించి, అందులోని క్యారెక్టర్ల గురించి చెబుతూ.. సూపర్ అని మెచ్చుకుంటున్నారు. ఈ క్రమంలో 'గార్డియన్స్ ఆఫ్ ది గెలాక్సీ' లాంటి అద్భుతమైన మార్వెల్ చిత్రాలను తెరకెక్కించిన హాలీవుడ్ స్టార్ డైరెక్టర్ జేమ్స్ గన్ ఇటీవలే ఓ ఇంటర్వ్యూలో జూనియర్ ఎన్టీఆర్ను కొనియాడారు. అంతేకాకుండా ఆయనతో కలిసి పని చేసేందుకు ఆసక్తిగా ఉందని మనసులో మాటను బయటపెట్టారు.
"ఆర్ఆర్ఆర్లో నటించిన ఆ వ్యక్తి ఎవరు. బోనులో పులులతో పాటు బయటకు వస్తాడు. జూనియర్ ఎన్టీఆర్. అతను చాలా బాగా చేశాడు. ఏదో ఒక రోజు అతడితో కలసి పనిచేయాలని కోరుకుంటున్నాను. అతను చాలా అద్భుతమైన వ్యక్తి" అంటూ ఎన్టీఆర్ను ఆకాశానికి ఎత్తేశారు జేమ్స్ గన్. తారక్కు ఎలాంటి రోల్ ఇస్తారని అదే ఇంటర్వ్యూలో అడగగా.. ప్రస్తుతానికి దానిపై క్లారిటీ లేదని జేమ్స్ చెప్పుకొచ్చారు. తారక్ రోల్ను డిసైడ్ చేయడానికి కొంత సమయం పడుతుందని చెప్పారు. ఈ నేపథ్యంలో తారక్ ఫ్యాన్స్ తెగ సంబరపడిపోతున్నారు. మార్వెల్ మూవీలో జూనియర్ ఎన్టీఆర్ను తప్పకుండా చూస్తామని అంటున్నారు.
గత జులైలోనే 'ఆర్ఆర్ఆర్' సినిమా చూసిన జేమ్స్ గన్.. ఈ మూవీపై ప్రశంసల వర్షం కురిపిస్తూ ట్విట్టర్ వేదికగా తన అభిప్రయాన్ని తెలియజేశారు. ఎన్టీఆర్-రామ్ చరణ్ పర్ఫార్మెన్స్‌కు ఫిదా అయినట్లు ఆ ట్వీట్లో పేర్కొన్నారు. ప్రస్తుతం ఆయన తెరకెక్కించిన 'గార్డియన్స్ ఆఫ్ గెలాక్సీ' సినిమా రిలీజ్కు రెడీగా ఉంది. ఈ సినిమా మే5న థియేటర్లలో విడుదల కానుంది. ఈ క్రమంలోనే ఓ ఇంటర్వ్యూలో పాల్గొన్న ఆయన తారక్పై ప్రశంసలు కురిపించారు.
ఇక ఎన్టీఆర్ సినిమాల విషయానికి వస్తే.. ఆర్ఆర్ఆర్ తర్వాత ఆయన ప్రస్తుతం కొరటాల శివ దర్శకత్వంలో తెరకెక్కుతున్న 'ఎన్టీఆర్ 30' లో నటిస్తున్నారు. ఇటీవలే పూజా కార్యక్రమంతో మొదలైన ఈ సినిమా ఇప్పుడు శరవేగంగా షూటింగ్ జరుపుకుంటోంది. ఈ సినిమాలో ఎన్టీఆర్ సరసన జాన్వీ కపూర్ హీరోయిన్‌గా నటిస్తున్నారు. ఎన్టీఆర్ట్స్, యువసుధ ఆర్ట్స్ పతాకంపై సుధాకర్ మిక్కిలినేని, హరికృష్ణ కే ఈ సినిమాకు నిర్మాతలుగా వ్యవహరిస్తున్నారు. నందమూరి కల్యాణ్ రామ్ ఈ సినిమాకు సమర్పకులుగా వ్యవహిరంచారు. భారీ అంచనాలతో తెరకెక్కుతున్న ఈ సినిమాకు అనిరుధ్ సంగీతాన్ని అందిస్తున్నారు. ఆర్ట్ డైరెక్టర్‌గా సాబు సిరిల్, ఛాయగ్రహకుడిగా రత్నవేలు , శ్రీకర ప్రసాద్ ఎడిటర్‌గా వ్యవహరించనున్నారు. వచ్చే ఏడాది ఏప్రిల్ 5న సినిమా ప్రేక్షకుల ముందుకు రానుంది. తెలుగుతో పాటు హిందీ, తమిళం, కన్నడ, మలయాళ భాషల్లోనూ ఈ చిత్రం విడుదల కానుంది.
