కేసుల్లో జగన్‌తో చీరాల వైకాపా అభ్యర్థి పోటీపడుతున్నారని విమర్శించిన సీఎం... జగన్‌పై 31 కేసులుంటే ఆమంచిపై 29 కేసులున్నాయన్నారు. కబ్జారాయుళ్ల నుంచి వాన్‌పిక్ సిటీ భూములు తీసుకుంటామని హామీ ఇచ్చిన చంద్రబాబు...చీరాల చేనేత కార్మికుల సమస్యలు పరిష్కరిస్తామన్నారు. వాడరేవు వద్ద రూ.4,900 కోట్లతో ఫిషింగ్ హార్బర్‌ నిర్మిస్తామని ప్రకటించారు.
వస్త్ర పరిశ్రమ కేంద్రంగా చీరాలను తయారుచేస్తానని హామీ ఇచ్చారు. అమ్మకు వందనం పేరుతో ఏడాదికి రూ.18 వేలు ఇస్తామని సీఎం ప్రకటించారు. పెద్దకుమారుడిగా ఉంటానని చెప్పి మాట నిలబెట్టుకున్నానని పేర్కొన్న బాబు...అందరికీ ఉచితంగా ఇళ్లు కట్టిస్తామని భరోసా ఇచ్చారు. జగన్కు వెయ్యి కోట్లు ఇచ్చి... లక్ష కోట్లు ఎగ్గొట్టేందుకు కేసీఆర్ ప్రయత్నిస్తున్నాడని విమర్శించారు. ఆర్థిక ఉగ్రవాదులను గెలిపిస్తే రాష్ట్రం నాశనం అవుతుందని హెచ్చరించారు. మోదీ, కేసీఆర్, జగన్‌ను బంగాళాఖాతంలోకి విసిరేద్దాం అని చీరాల ఓటర్లకు పిలుపునిచ్చారు.
ఇవీ చూడండి : సమరాంధ్ర... ధనం మూలం ఇదం రాజకీయం!
