Sexual assault: లబ్ధిదారులకు సంక్షేమ పథకాలను చేరవేయాల్సిన ఓ వాలంటీరు.. మహిళ పట్ల అసభ్యంగా ప్రవర్తించాడు. తన వార్డులోని ఓ వివాహిత ఫోన్కు అసభ్యకరమైన సందేశాలు పంపించడమే కాకుండా.. భర్త లేని సమయంలో నేరుగా ఆమె ఇంటికి వెళ్లి లైంగిక దాడికి యత్నించాడు. ఈ ఘటన కడప జిల్లాలో జరిగింది. పోలీసులు తెలిపిన వివరాల ప్రకారం..
కడప జిల్లా ప్రొద్దుటూరు పురపాలక పరిధిలోని ఆరో వార్డులో.. జమాల్ వలి వాలంటీరుగా పనిచేస్తున్నాడు. అదే వార్డుకు చెందిన ఓ వివాహితకు ఫోన్ ద్వారా అసభ్యకరమైన సందేశాలు పంపించాడు.
భర్త లేని సమయంలో నేరుగా ఆమె ఇంటికి వెళ్లి లైంగిక దాడికి యత్నించాడు. దీంతో.. ఆ వివాహిత మూడో పట్టణ పోలీస్ స్టేషన్ను ఆశ్రయించింది. ఆమె ఫిర్యాదు మేరకు కేసు నమోదు చేసిన పోలీసులు.. నిందితుడిని అరెస్టు చేశారు. సీఐ ఆనందరావు ఈ వివరాలు వెల్లడించారు.
ఇదీ చదవండి: Latest Trends in Cybercrime: 5 సెకన్లు నగ్నంగా కనిపిస్తారు.. చూశారంటే ఇక అంతే..!
