తెలంగాణ రాష్ట్రం హైదరాబాద్లో.. ఇద్దరు బాలుర మధ్య చిచ్చురేపిన ప్రేమ వ్యవహారం.. కత్తిపోట్లకు దారితీసిన విషయం తెలిసిందే. ఈ ఘటనలో కొత్త విషయం వెలుగులోకి వచ్చింది. బాధితుడు దుర్గాప్రసాద్పై తన స్నేహితుడితో కలిసి కత్తితో దాడిచేసి నిందితుడు.. రక్తం కారుతుండగానే సెల్ఫీ దిగినట్లు పోలీసులు తెలిపారు. ఈ ఘటనపై హైదరాబాద్లోని రాజేంద్రనగర్‌ పీఎస్‌లో జీరో ఎఫ్‌ఐఆర్‌ నమోదు చేసిన పోలీసులు.. అనంతరం బంజారాహిల్స్‌ పీఎస్‌కు బదిలీ చేశారు. విచారణ చేపట్టిన పోలీసులు.. దాడి చేసిన ఇద్దరు నిందితులను అదుపులోకి తీసుకున్నారు.
అసలేెం జరిగిదంటే : తన ప్రియురాలికి దుర్గాప్రసాద్ హాయ్ చెప్పాడనే అక్కసుతో నిందితుడు పథకం ప్రకారం దాడి చేశాడు. తన స్నేహితుడితో కలిసి హైదరాబాద్ లోని ఫిలింనగర్‌లో ముందుగా పార్టీ చేసుకున్నాడు. ఆ తర్వాత ఇద్దరు నిందితులు.. దుర్గాప్రసాద్కు మాయమాటలు చెప్పి, అతణ్ని అత్తాపూర్‌లోని మూసీ వద్దకు తీసుకెళ్లారు. అక్కడ ఒక్కసారిగా కత్తులతో దాడి చేశారు. ఈ ఘటనలో ప్రసాద్‌కు తీవ్రగాయాలయ్యాయి. బాధితుడు కేకలు వేయడంతో.. నిందితులు అక్కడి నుంచి పారిపోయారు.
ఇదీ చదవండి :
