కరోనా కాలంలో సైబర్ నేరాలు పెరుగుతున్నాయి. ఓ వ్యక్తి అకౌంట్ నుంచి రూ.20 లక్షలను సైబర్ నేరగాళ్లు మాయం చేశారు.తెలంగాణలోని అంబర్పేట్ డీడీ కాలనీలో నివాసముండే శ్రీనివాస మూర్తి కొన్ని నెలల క్రితం అమెరికా వెళ్లారు. ఇంటర్నెట్ బ్యాంకింగ్ అకౌంట్ చెక్ చేసుకోగా రూ.20 లక్షలు మాయమయ్యాయని బాధితుడు తెలిపారు. హైదరాబాద్ సీసీఎస్ సైబర్ క్రైమ్ పోలీసులకు ఆన్లైన్ ద్వారా ఫిర్యాదు చేశారు.
మరో కేసులో కోన్ బనేగా కరోడ్ పతి లాటరీ పేరుతో ఓ మహిళ వద్ద రూ.లక్షా 60 వేలను గుర్తు తెలియని వ్యక్తులు దోచుకున్నారు. తనను మోసం చేసిన వారిపై చర్యలు తీసుకోవాలని సైబర్ క్రైమ్ పోలీసులకు ఓల్డ్ సిటీకి చెందిన ఆమె ఫిర్యాదు చేశారు. పై రెండు సంఘటనలపై కేసు నమోదు చేసుకున్న సైబర్ క్రైమ్ పోలీసులు దర్యాప్తు చేస్తున్నారు.
ఇదీ చదవండి:
