కరోనా : అనుమానంతో చెరువులో దూకి వ్యక్తి ఆత్మహత్య

కరోనా వైరస్ సోకిందనే అనుమానంతో ఓ వృద్ధుడు చెరువులోకి దూకి ఆత్మహత్య చేసుకున్న ఘటన కృష్ణా జిల్లా గన్నవరం మండలం మర్లపాలెంలో చోటు చేసుకుంది. జ్వరం సహా ఇతర లక్షణాలతో బాధపడుతూ కొవిడ్ వచ్చిందనే అనుమానంతో బలవన్మరణానికి పాల్పడ్డాడు.

కృష్ణా జిల్లా గన్నవరం మండలం మర్లపాలెంలో విషాదం చోటు చేసుకుంది. కరోనా వచ్చిందనే భయంతో ఓ వృద్ధుడు చెరువులోకి దూకి ఆత్మహత్యకు పాల్పడ్డాడు.

3 రోజులుగా..

మూడ్రోజులుగా మృతుడు రాపర్ల హరిబాబు జ్వరం, ఇతర లక్షణాలతో బాధపడుతున్నాడు. ఈ క్రమంలో అనుమానంతో ఈ అఘాయిత్యానికి ఒడిగట్టాడు. పోస్టుమార్టం నిమిత్తం గన్నవరం పోలీసులు మృతదేహాన్ని ఆస్పత్రికి తరలించారు.

ఇవీ చూడండి : బెట్టింగ్ రాయుళ్లు అరెస్ట్.. రూ. లక్షా 70 వేలు స్వాధీనం