Bike Hits tractor: తెలంగాణలోని నల్గొండ జిల్లాలో ఘోర రోడ్డు ప్రమాదం జరిగింది. దామరచర్ల మండలం బొత్తలపాలెం వద్ద ట్రాక్టర్ను వెనుక నుంచి ఓ బైక్ ఢీకొట్టింది. ఈ ఘటనలో ముగ్గురు దుర్మరణం చెందారు.
అద్దంకి- నార్కెట్పల్లి జాతీయ రహదారిపై బోత్తులపాలెం వద్ద వేగంగా వెళ్తున్న బైక్ అదుపు తప్పి ట్రాక్టర్ వెనుక భాగంలో ఢీకొట్టింది. దీంతో బైక్పై ప్రయాణిస్తున్న ముగ్గురు అక్కడికక్కడే మృతి చెందారు. బైక్ నుజ్జునుజ్జయింది. సమాచారం అందుకున్న పోలీసులు ఘటనాస్థలికి చేరుకున్నారు. మృతులు వాడపల్లి గ్రామానికి చెందినవారిగా గుర్తించారు. మృతులు అంజి (21), అంజలి (17) అన్నా చెల్లెలు కాగా మరో 8 ఏళ్ల బాలుడు నవదీప్గా గుర్తించారు. పోస్టుమార్టం నిమిత్తం మృతదేహాలను మిర్యాలగూడ ఏరియా ఆస్పత్రికి తరలించారు. ఘటనపై కేసునమోదు చేసి దర్యాప్తు చేస్తున్నట్లు చెప్పారు.
