విశాఖలో ఉపరాష్ట్రపతి వెంకయ్య నాయుడును తెలుగుదేశం నేతలు మర్యాదపూర్వకంగా కలిశారు. మాజీ మంత్రులు అయ్యన్నపాత్రుడు, బండారు సత్యనారాయణ, ఎమ్మెల్యే వెలగపూడి రామకృష్ణబాబు, ఎమ్మెల్సీ నాగ జగదీష్, తెదేపా నగర అధ్యక్షుడు పల్లా శీను ఉపరాష్ట్రపతిని కలిసిన వారిలో ఉన్నారు. గతంలో శంకుస్థాపన చేసిన ఈఎస్ఐ ఆసుపత్రికి అడ్డంకులు తొలగించి నిర్మాణం సజావుగా సాగేలా చర్యలు తీసుకోవాలని నేతలు ఉపరాష్ట్రపతిని అభ్యర్థించారు.
సాగర్ నగర్లో ఉదయపు నడకలో చిల్లర దుకాణదారులతో ఉపరాష్ట్రపతి వెంకయ్య నాయుడు ముచ్చటించారు. ప్రత్యేక అనుమతితో కొందరు సందర్శకులు ఉపరాష్ట్రపతిని మర్యాదపూర్వకంగా కలుసుకున్నారు. వెంకయ్యనాయుడికి ఈ ప్రాంతం మీద ఉన్న అభిమానం దృష్ట్యా స్థానికంగా ఉన్న సమస్యలు ఆయన దృష్టికి తీసుకెళ్లారు.
ఇదీ చదవండి : దేరసాంలో అగ్నిప్రమాదం... 12పూరిళ్లు దగ్ధం
