చనిపోవాలని రైలు పట్టాలపై పడుకున్నాడు.. ఆ తర్వాత ధైర్యం చాల్లేదు.!

ఓ యువకుడు రైలు కింద పడి ఆత్మహత్య చేసుకుందామనుకున్నాడు. తెగించి రైలు పట్టాలపై దూకినప్పటికీ ధైర్యం చాలక పట్టాల మధ్యలో పడుకుని ప్రాణాలు నిలుపుకున్నాడు. ఈ ఘటన విశాఖ రైల్వేసేషన్​లో కలకలం సృష్టించింది. ఈ విషయంపై ఆర్​పీఎఫ్​ పోలీసులను వివరణ కోరగా ఏం జరగలేదని, యువకుడికి కౌన్సిలింగ్​ ఇచ్చి పంపించామని పేర్కొన్నారు.

రైలు కింద పడి ఆత్మహత్య చేసుకుందామని యత్నించిన యువకుడి ప్రయత్నం విశాఖ రైల్వే స్టేషన్ లో కలకలం రేపింది. మధ్యాహ్నం నాలుగో నెంబర్ ప్లాట్ ఫాంపై రైలు వస్తున్నతరుణంలో ఓ యువకుడు రెండు పట్టాల మధ్యకు వెళ్లాడు. ఆత్మహత్యకు ధైర్యం చాలక పట్టాల మధ్యనే బిక్కుబిక్కుమంటూ పడుకుండిపోయాడు. దీనిని గుర్తించిన ఆర్పీఎఫ్ సిబ్బంది అతడిని రక్షించి అదుపులోకి తీసుకున్నారు. కౌన్సిలింగ్ చేసి వదిలి వేశారు. ఈ వీడియో వైరల్​ కావడంతో ఆర్​పీఎఫ్​ పోలీసులని వివరణ కోరగా.. ఏం జరగలేదని, యువకుడికి కౌన్సిలింగ్​ ఇచ్చి పంపించామని పేర్కొన్నారు.

ఇదీ చదవండి: విజిలెన్స్ అధికారుల వేధింపులు.. కడపలో నూనె మిల్లు యజమాని ఆత్మహత్య