'సిట్ బృందానికి అధికారులు సహకరించేలా చూడండి'

విశాఖ భూ ఆక్రమణలపై సిట్ దర్యాప్తు బృందానికి అధికారులు సహకరించాలని సిట్ అధిపతి విజయ్ కుమార్ కోరారు. విశాఖలో జిల్లా కలెక్టర్, జాయింట్ కలెక్టర్లతో ఈ మేరకు సమావేశం నిర్వహించారు.

విశాఖ భూ ఆక్రమణలపై సిట్ దర్యాప్తు త్వరితగతిన పూర్తి చేసేందుకు దర్యాప్తు బృందానికి సమాచారం అందజేయాలని సిట్ బృందం అధిపతి విజయ్ కుమార్ అధికారులను కోరారు. విశాఖలోని సర్క్యూట్ హౌస్ లో జిల్లా కలెక్టర్ వి. వినయ్ చంద్, జాయింట్ కలెక్టర్ ఎం వేణుగోపాల్ రెడ్డి, ఇతర అధికారులతో ఆయన సమీక్షించారు.

కరోనా నేపథ్యంలో సిట్ దర్యాప్తు కొనసాగలేదని దర్యాప్తును తిరిగి ప్రారంభిస్తున్నట్లు ఆయన చెప్పారు. దర్యాప్తు త్వరితగతిన పూర్తి చేసేందుకు సంబంధిత సమాచారం అందించాలని అధికారులను ఆదేశించాలన్నారు.

ఇదీ చదవండి: