విశాఖ తూర్పు నౌకాదళంలోని ఐఎన్ఎస్ సర్కార్స్ స్టేషన్ కమాండర్గా ఎ.ఎస్. ధడ్వాల్ బాధ్యతలు చేపట్టారు. కమాండర్ రాహుల్ విలాస్ గోఖలే నుంచి ధడ్వాల్ బాధ్యతలు తీసుకున్నారు. ఫ్లాగ్ ఆఫీసర్ సీ ట్రయినింగ్గా కొచ్చికి రాహుల్ విలాస్ గోఖలే బదిలీ అయ్యారు. అంతకుముందు ఐఎన్ఎస్ సర్కార్స్ పరేడ్ మైదానంలో నావికుల నుంచి ధడ్వాల్ గౌరవ వందనం స్వీకరించారు. ఆయన 1993లో భారత నౌకాదళంలో చేరారు. ఐఎన్ఎస్ గోమతి, శివాలిక్లకు సారథ్యం వహించారు. అమెరికాలో పలు అంశాలలో శిక్షణ పొందారు. ఈ ఏడాది ధడ్వాల్కు విశిష్ట సేవా మెడల్ పురస్కారం లభించింది. తూర్పు నౌకాదళంలో ఐఎన్ఎస్ సర్కార్స్ అత్యంత కీలక విభాగం. దాదాపు 43 అదనపు యూనిట్లకు.. 2,500 మంది నావికులు, 450 అధికారులతో ఈ విభాగం ఏర్పాటైంది.
ఇదీ చదవండి: గుజరాత్లో బ్రిటన్ ప్రధాని.. 'బుల్డోజర్' ఫ్యాక్టరీలో సందడి సందడిగా..!
