పెళ్లై కొద్ది నెలలే.. అంతలోనే విషవాయువు మింగేసింది

విశాఖ సాయినార్​ పరిశ్రమ గ్యాస్​ లీక్​ ఘటనలో మృతుల కుటుంబాల వేదన వర్ణనాతీతం. ఈ ప్రమాదంలో మృతి చెందిన కెమిస్ట్​ గౌరీశంకర్​కు ఈ ఏడాది ఏప్రిల్​లోనే వివాహం అయ్యింది. ప్రస్తుతం అతని భార్య గర్భవతి అని బంధువులు పేర్కొన్నారు. పెళ్లైన కొద్ది నెలలకే గౌరీ శంకర్​ మృత్యువాతపడడం వారిని తీవ్రంగా కలిచివేస్తోంది. ఆస్పత్రి మార్చురీ వద్ద బంధువుల రోదనలు మిన్నంటాయి.

విశాఖ జిల్లాలో తెల్లవారుజామున జరిగిన గ్యాస్ లీకేజ్ దుర్ఘటనలో మృతి చెందిన కెమిస్ట్ గౌరీశంకర్ మూడేళ్ల నుంచి కంపెనీలో పని చేస్తున్నారు. ఈ ఏడాది ఏప్రిల్​లోనే గౌరీశంకర్‌కు వివాహమైంది. భార్య వెంకటలక్ష్మి ప్రస్తుతం గర్భవతి అని బంధువులు తెలిపారు.

విజయనగరం జిల్లా పూసపాటి రేగకు చెందిన గౌరీశంకర్‌... పెళ్లైన కొద్ది నెలలకే మృత్యువాతపడడం కుటుంబ సభ్యులను తీవ్రంగా కలచివేస్తోంది. విశాఖ కేజీహెచ్​లోని మార్చురీ వద్ద బంధువుల రోదనలు మిన్నంటాయి.

ఇదీ చూడండి..