విజయనగరం జిల్లా భోగాపురంలో విమానాశ్రయ నిర్మాణానికి ప్రభుత్వం 2,200 ఎకరాలతో పాటు అదనంగా మరో 500 ఎకరాల భూములను సేకరించింది. భూ సేకరణతో మర్లపాలెంలో 223, మూడసర్ల పేటలో 39, బొల్లికలపాలెంలో 55, రిల్లిపేటలో 65 కుటుంబాలను ఖాళీ చేయించాల్సి ఉంది. వీరికోసం గూడెపువలసలో 17 ఎకరాలు, పోలేపల్లి రెవెన్యూలోని లింగాలవలసలో 25 ఎకరాల్లో పునరావాస కాలనీలను నిర్మిస్తున్నారు.
గ్రామాలు తరలించే నాటికి బాధిత యువతకు ఉద్యోగ అవకాశాలతో పాటు ఆర్ఆర్ ప్యాకేజీ ఇస్తామని అధికారులు హామీ ఇచ్చారని నిర్వాసితులు తెలిపారు. కానీ ఇప్పటివరకు తమకు ఎలాంటి సహాయమూ అందలేదని, ప్రభుత్వం నుంచి ప్యాకేజీ వస్తే గ్రామం నుంచి వెళ్లిపోతామని వెల్లడించారు.
గూడెపువలస రెవెన్యూ పరిధిలో మౌలిక సదుపాయాలను కల్పిస్తున్నాం. ప్రజలు సహకరిస్తే త్వరగా ఇల్లు నిర్మించుకోవచ్చు. ఇప్పటికే దాదాపు పలు కాలనీల్లో ఇళ్ల నిర్మాణాలు జరుగుతున్నాయి. పోలేపల్లి రెవెన్యూ పరిధిలో గృహ నిర్మాణాలను వేగవంతం చేసుకునేందుకు సంబంధిత శాఖ అధికారులతో సమీక్షిస్తున్నాం. - భవానీ ప్రసాద్, ఆర్డీవో
ఇదీచదవండి. : Chiranjeevi meets CM YS Jagan: సినిమా టికెట్ల ధరలు పెంచాలని సీఎంను కోరా: మెగాస్టార్ చిరంజీవి
