పంచాయతీ ఎన్నికల వివరాలను కలిగి ఉన్న వైఎస్ఆర్సీపీ పోల్స్ డాట్ ఇన్ వెబ్ సైట్ కు నకిలీని రూపొందించటంపై.. వైకాపా సీఐడీకి ఫిర్యాదు చేసింది. తెలుగుదేశం పార్టీకి చెందిన కొందరు వ్యక్తులు దీనికి నకిలీ వెబ్ సైట్ ను రూపొందించి.. తప్పుడు ఎన్నికల వివరాలను పొందుపరుస్తూ ప్రజలను గందరగోళానికి గురిచేస్తున్నారంటూ వైకాపా నేతలు సీఐడీకి ఫిర్యాదు చేశారు.
మొదటి విడత పోలింగ్ అనంతరం వైకాపా సానుభూతిపరుల ఫోటోలతో వైఎస్ఆర్సీపీ పోల్స్ డాట్ ఇన్ అనే వెబ్సైట్లో వివరాలను పొందుపరిచామని అయితే వాటిని తప్పుదోవ పట్టించేలా.. వైఎస్ఆర్సీపీ పోల్స్ డాట్ కామ్ అనే నకిలీ వెబ్సైట్ను తెదేపా నేతలు రూపొందించారని ఫిర్యాదులో పేర్కొన్నారు.
సైబర్ నేరాల చట్టం కింద దీనిపై కేసు నమోదు చేసి తక్షణం నకిలీ వెబ్సైట్ను నిలిపివేయాలంటూ సీఐడీని కోరారు. దీంతోపాటు జఫ్ఫా జగన్నాథం అనే ఫేస్బుక్ పేజీని కూడా నిలిపివేసేలా చర్యలు తీసుకోవాలని ఫిర్యాదులో పేర్కొన్నారు.
ఇదీ చదవండి:
