చిత్తూరు జిల్లాలో దళిత వర్గానికి చెందిన ఆటో డ్రైవర్ ఓం ప్రతాప్ ఆత్మహత్యకు ప్రోత్సహించిన వైకాపా నాయకులపై చర్యలు తీసుకోవాలని తెదేపా పొలిట్‌బ్యూరో సభ్యుడు వర్ల రామయ్య జాతీయ ఎస్సీ కమిషన్కు లేఖ రాశారు. దళితులపై దాడులు గురించి పదేపదే కమిషన్కు లేఖలు రాస్తున్నందుకు తనను క్షమించాలని లేఖలో వర్ల రామయ్య పేర్కొన్నారు. ఆత్మహత్య చేసుకున్న ప్రతాప్.. తన భావాలను సామాజిక మాధ్యమంలో వ్యక్తం చేస్తే.. వైకాపా నాయకులు అతన్ని బెదిరించారని వర్ల రామయ్య అన్నారు. చంపుతామని ఫోన్లు చేస్తే, గత్యంతరం లేక, భయపడి ఆత్మహత్య చేసుకున్నాడని చెప్పారు. దళితులపై వరసగా దాడులు జరుగుతున్నా వైకాపా ప్రభుత్వానికి లెక్కలేదని వర్ల రమయ్య అన్నారు.
ఇదీ చదవండి: తెలుగునాట వినోదాల వీచిక.. 'ఈటీవీ' రజతోత్సవ వేడుక
