విజయవాడ ప్రకాశం బ్యారేజీ గేట్ల వద్ద కొద్ది రోజులుగా అడ్డంకిగా మారిన పడవను ఎట్టకేలకు బయటకు తీశారు. నిపుణుల బృందం ఎంతో శ్రమించి దీనిని బయటకు తీసింది. ఈ పడవ ఇసుక తరలించేందుకు వాడేదిగా అధికారులు గుర్తించారు. అయితే దీని యజమాని ఎవరనేది తెలుసుకునేందుకు నీటిపారుదల శాఖ అధికారులు, పోలీసులు ప్రయత్నాలు చేస్తున్నారు. కృష్ణా వరదల సమయంలో కొట్టుకువచ్చిన ఈ పడవ గేట్ల మధ్యలో ఇరుక్కుపోయింది. దాదాపు 30 అడుగుల పొడవున్న ఈ పడవ అడ్డుగా ఉండటంతో ఇన్ని రోజులు గేటు మూయటం సాధ్యం కాలేదు. దీనిని బయటకు తీయటంతో అధికారులు బ్యారేజీ గేట్లు మూసి నీటిని విడుదలను ఆపేశారు.
పడవను బయటకు తీశారు ఇలా..
