రాజ్యాంగాన్ని హేళన చేస్తున్నమంత్రి కొడాలినానికి ప్రజాక్షేత్రంలో దేహశుద్ధి తప్పదని తెదేపా ఎస్సీసెల్ అధ్యక్షులు ఎంఎస్ రాజు (TDP SC cell president MS Raju fire on Minister Kodali Nani) దుయ్యబట్టారు. రాష్ట్ర రాజకీయాల్లో బూతులకు నాంది పలికింది కొడాలి నాని(KODALI NANI) అని విమర్శించారు. మంత్రిగా రెండున్నరేళ్లు ప్రజలకు ఏం చేశారో సమాధానం చెప్పాలని డిమాండ్‌ చేశారు.
ప్రజా సంక్షేమం కోసమే తెలుగుదేశం పరిషత్ ఎన్నికల్ని బహిష్కరించిందని తెలిపారు. పోలీసులు, వాలంటీర్లు, మద్యం, ఇసుక మాఫియా డాన్ల ద్వారా ప్రజల్ని భయభ్రాంతులకు గురి చేశారని ఆగ్రహం వ్యక్తం చేశారు. రాజ్యాంగ వ్యవస్థల్ని అగౌరవపరిచే అసాంఘిక శక్తి రాష్ట్రానికి ముఖ్యమంత్రిగా ఉన్నాడని విమర్శించారు.
