స్వచ్ఛ సర్వేక్షన్లో భాగంగా విజయవాడ నగరపాలక సంస్థలోని ఉన్నత, ప్రాథమిక పాఠశాలల్లో విద్యార్థులకు పలు రకాల పోటీలు నిర్వహించారు. బుధవారం సీ.వీ.ఆర్ మున్సిపల్ కార్పొరేషన్ ఉన్నత పాఠశాలలో నిర్వహించిన మోడల్, చిత్రలేఖనం పోటీలను నగర కమిషనర్ ప్రసన్న వెంకటేష్ ప్రారంభించారు. విద్యార్థుల్లోని నైపుణ్యాలను ప్రదర్శించేందుకు ఈ పోటీలు ఎంతో ఉపయోగపడతాయని.. కమిషనర్ పేర్కొన్నారు.
వాటర్ హార్వెస్టింగ్, స్వచ్ఛ విజయవాడ, గ్రీన్ విజయవాడ, ప్లాస్టిక్ ఫ్రీ విజయవాడ అనే టైటిల్తో విద్యార్థులు ఏర్పాటు చేసిన మోడల్స్ ఆకట్టుకున్నాయి. ఈ పోటీల్లో వ్యాసరచన, చిత్రలేఖనం మోడల్ మేకింగ్లో విజయం సాధించిన విద్యార్థులకు స్వచ్ఛ సర్వేక్షన్ ప్రత్యేక కార్యక్రమం పేరున బహుమతులు అందజేస్తామని చెప్పారు.
ఇదీ చదవండి:
ఎన్నికల ముందు సరే.. తర్వాత వాడేసిన బ్యాలెట్ పత్రాలు ఏం చేస్తారు?
