Yadadri Temple Reopening : దివ్య ఆధ్యాత్మిక క్షేత్రంగా రూపుదిద్దుకున్న శ్రీ లక్ష్మీనరసింహస్వామి ఆలయం స్వామి వారి ఆలయంలో ఆరేళ్ల తర్వాత స్వయంభూల దర్శనభాగ్యం కలిగింది. ఉద్ఘాటన క్రతువులో భాగంగా పాంచారత్ర ఆగమ శాస్త్రాలకు అనుగుణంగా వైభవోపేతంగా మహకుంభసంప్రోక్షణ జరిగింది. ఇందుకు స్వామి వారి జన్మ నక్షత్రమైన స్వాతి నక్షత్రాన ఈ నెల 21న అంకురార్పణ చేసి.. బాలాలయంలో సప్తాహ్నిక దీక్షా పంచకుండాత్మక యాగం నిర్వహించారు. ఈరోజు(మార్చి 28) ఉదయం స్వామి వారి నిత్య కైంకర్యాల అనంతరం.. ఉద్ఘాటనకు సంబంధిత క్రతువులను ప్రారంభించారు.
7 గోపురాలపై ఉన్న కలశాలకు ఏకకాలంలో కుంభాభిషేకం, సంప్రోక్షణ
యాదాద్రిలో కేసీఆర్..: యాదాద్రి వేడుకల్లో పాల్గొనేందుకు ముఖ్యమంత్రి కేసీఆర్ కుటుంబసమేతంగా ఆలయం వద్దకు చేరుకున్నారు. హెలికాఫ్టర్లో నేరుగా యాదాద్రి చేరుకున్న ఆయన.. ఆలయంపై విహంగ వీక్షణం చేశారు. పంచకుండాత్మక యాగం పూర్ణాహుతి అనంతరం.. బాలాలయం నుంచి వేదమంత్రోశ్చరణల నడుమ స్వామివారి సువర్ణమూర్తుల శోభాయాత్ర వైభవంగా సాగింది. సీఎం కేసీఆర్ మడి వస్త్రాలు ధరించి.. నేరుగా వచ్చి సతీసమేతంగా శోభయాత్రలో పాల్గొన్నారు.
బాలాలయం నుంచి బయలుదేరిన శోభాయాత్ర
వైభవంగా శోభాయాత్ర...: స్వామివారి శోభాాయాత్రలో మంత్రులు, ఎమ్మెల్యేలు, ఎమ్మెల్సీలు, అధికారులు, అర్చకులు, వేద పండితులు పెద్దఎత్తున శోభాయాత్రలో పాల్గొన్నారు. సీఎం కేసీఆర్తో సహా మంత్రులు, ఎమ్మెల్యేలు కూడా స్వామివారి పల్లకిని తలా కాసేపు మోశారు. ఆరేళ్ల తర్వాత స్వామివారు బాలాలయం నుంచి మంగళవాద్యాలు, మహిళల కోలాటాల నడుమ.. ప్రధానాలయంలోకి ప్రవేశించారు. తూర్పు రాజగోపురం ద్వారా ప్రధానాలయంలోకి స్వామివారు ప్రవేశించారు. ప్రధానాలయం చుట్టూ శోభాయాత్రగా ఉత్సవమూర్తుల ప్రదక్షిణలు నిర్వహించారు.
సతీసమేతంగా కొండపైకి చేరుకున్న సీఎం కేసీఆర్
ఏకకాలంలో ఏడు గోపురాలపై..: యాదాద్రిలో నేత్రపర్వంగా మహాసంప్రోక్షణ పర్వం పూర్తైంది. ప్రధానాలయం గోపురాలపై ఉన్న కలశాలకు కుంభాభిషేకం, సంప్రోక్షణలో సీఎం కేసీఆర్, మంత్రులు పాల్గొన్నారు. ఏడు రాజగోపురాలపై ఉన్న స్వర్ణ కలశాలకు ఏకకాలంలో 92 మంది రుత్వికులతో.. సీఎం కేసీఆర్తో పాటు మంత్రులు.. కుంభాభిషేకం, సంప్రోక్షణ గావించారు. దివ్య విమానంపై సుదర్శన చక్రానికి సీఎం కేసీఆర్ సమక్షంలో వేదమంత్రోచ్ఛరణ నడుమ సంప్రోక్షణ క్రతువు వైభవోపేతంగా జరిగింది. శ్రీ సుదర్శన స్వర్ణచక్రానికి సీఎం సమక్షంలో యాగజలాలతో సంప్రోక్షణ నిర్వహించారు.
దివ్య విమానంపై సుదర్శన చక్రానికి కేసీఆర్ సమక్షంలో సంప్రోక్షణ
సంప్రోక్షణలో సతీసమేతంగా మంత్రి పువ్వాడ అజయ్కుమార్
సంప్రోక్షణలో మంత్రి జగదీశ్ రెడ్డి కుటుంబం
సంప్రోక్షణ క్రతువులో మంత్రి కొప్పుల ఈశ్వర్ దంపతులు
మహాకుంభ సంప్రోక్షణలో మంత్రి నిరంజన్రెడ్డి దంపతులు
సంప్రోక్షణలో పాల్గొన్న మంత్రి హరీశ్రావు, ఎంపీ కొత్త ప్రభాకర్రెడ్డి
కుంభాభిషేకంలో మంత్రి మల్లారెడ్డి దంపతులు, మోత్కుపల్లి నర్సింలు
సీఎం ప్రథమారాథన..: మహాకుంభ సంప్రోక్షణ మహోత్సవం తర్వాత అందరూ.. ప్రధానాలయంలోని మండపంలోకి చేరుకున్నారు. ఉపాలయాల్లో ప్రతిష్ఠా మూర్తులకు మహా ప్రాణన్యాసం నిర్వహించారు. సీఎం కేసీఆర్ దంపతులు స్వామివారికి ప్రథమారాధన చేశారు. అనంతరం అర్చకులు ఆరగింపు సేవ చేశారు. తర్వాత తీర్థ, ప్రసాద గోష్టి జరిగింది. ప్రజాప్రతినిధులు, అధికారులు, భక్తులతో ఆలయం కిక్కిరిసిపోయింది. ఈ మహాపర్వంలో పాల్గొని స్వామివారిని సేవించుకుని తరించారు.
స్వయంభువున్ని దర్శించుకునేందుకు వేచి ఉన్న భక్తులు
భాగస్వాములకు సన్మానం..: ఒకనాటిగుహాలయం నేడు ఆధ్యాత్మికకళాకాంతులతో అద్భుత దివ్యక్షేత్రంగారూపుదిద్దుకోవటంలో భాగస్వాములైనవారందరినీ ప్రభుత్వం ఘనంగాసన్మానించింది. వాస్తుశిల్పులు,స్థపతులుసహా ఎంతో మంది ఆలయ పునర్నిర్మాణంకోసం నిరంతరం శ్రమించి....ప్రపంచస్థాయిక్షేత్రన్ని రూపుదిద్దారు. ఇందులోప్రధాన భూమిక పోషించిన ఆలయఈవో గీత,యాడాఉపాధ్యక్షుడు కిషన్‌రావు,ఆర్కిటెక్ట్‌ఆనందసాయి,స్థపతిసుందర రాజన్ సహా ఆలయ నిర్మాణభాగస్వాములైన వారందరి(ఆయా శాఖల అధికారులు, శిల్పులు, స్వర్ణ, వడ్రంగి కళాకారులు)ని ముఖ్యమంత్రి కేసీఆర్,మంత్రులు శాలువాలతో సన్మానించి,అభినందనలుతెలిపారు. వైటీడీఏ వైస్ ఛైర్మన్ కిషన్రావును సీఎం కేసీఆర్ ప్రత్యేకంగా సన్మానించారు. మహోజ్వలఘట్టానికి కారకుడైన సీఎం కేసీఆర్ను దేవస్థానం తరఫున యాడా అధికారులు, మంత్రులు ఆత్మీయంగా సత్కరించారు.
సీఎం కేసీఆర్కు సన్మానం
అనతరం "యాదాద్రి- ది సేక్రెడ్ ఎబోడ్".. కాఫీ టేబుల్ బుక్ను సీఎం ఆవిష్కరించారు. సీఎం కేసీఆర్తో ప్రజాప్రతినిధులంతా ఫొటోలు తీసుకున్న తర్వాత.. యాగశాలలో ఏర్పాటు చేసిన మధ్యాహ్న బోజనాన్ని స్వీకరించారు. సాయంత్రం ఏడున్నర నుంచి.. శాంతి కళ్యాణం, ఆచార్య, రుత్విక్ సన్మానం, మహదాశీర్వాదం, పరిసమాప్తి ఉంటుంది.
ఇదీ చూడండి:
