పంచాయతీ ఎన్నికలు: ఫిర్యాదులకు ఈ నెంబర్​కు ఫోన్ చేయండి!

పంచాయతీ ఎన్నికలకు సంబంధించి ప్రజల నుంచి ఫిర్యాదుల స్వీకరణకు రాష్ట్ర ఎన్నికల సంఘం ప్రత్యేకంగా కాల్ సెంటర్ ఏర్పాటు చేసింది. విజయవాడలోని ఎస్​ఈసీ కార్యాలయంలో ఈ కేంద్రాన్ని ఏర్పాటు చేశారు.

పంచాయతీ ఎన్నికలకు సంబంధించిన ఫిర్యాదుల కోసం ప్రజలు 0866 2466877 నెంబర్​కు ఫోన్ చేయవచ్చని.. ఎస్ఈసీ నిమ్మగడ్డ రమేష్ కుమార్ తెలిపారు. తమ సమస్యలు సహా రాజకీయ పార్టీల అక్రమాలపై ఫిర్యాదు చేయవచ్చని ఎస్​ఈసీ వెల్లడించారు. ప్రజల నుంచి వచ్చే ప్రతి ఫిర్యాదును కాల్​ సెంటర్ సిబ్బంది నమోదు చేయాలని ఆదేశించారు.

ఫిర్యాదు తీవ్రతను బట్టి వెంటనే సంబంధిత అధికారికి పంపి పరిష్కరించాలని... జిల్లా కలెక్టర్లకు, పోలీస్ సూపరింటెండెంట్లకు, ఎన్నికల పరిశీలకులకు ఆ ఫిర్యాదులు పంపాలని ఆదేశించారు. కాల్ సెంటర్ కార్యకలాపాలు ప్రారంభమయ్యాయని వెల్లడించారు. ఈ కేంద్రాన్ని నిరంతరం పర్యవేక్షించనున్నట్లు నిమ్మగడ్డ రమేష్ కుమార్ స్పష్టం చేశారు.

ఇదీ చదవండి: