పంచాయతీ ఎన్నికల నిర్వహణలో ఎస్ఈసీ విఫలమైందని మాజీ మంత్రి నక్కా ఆనంద్ బాబు విమర్శించారు. పలుచోట్ల తెదేపా బలపరిచిన అభ్యర్థులు గెలిచినా..వైకాపా మద్దతుదారులు గెలిచినట్లు రిటర్నింగ్ అధికారులు ప్రకటిస్తున్నారని ఆరోపించారు. అయినా అవేవీ పట్టించుకోకుండా ఎస్ఈసీ చోద్యం చూస్తున్నారని మండిపడ్డారు. అధికారులు, పోలీసుల సాయంతోనే ప్రభుత్వం బలవంతపు ఏకగ్రీవాలకు పాల్పడుతోందని ఆక్షేపించారు.
రాష్ట్ర ఎన్నికల సంఘం రాజ్యాంగబద్ధంగా పనిచేస్తే..మాచర్ల, పుంగనూరులో నూరుశాతం ఏకగ్రీవాలు జరిగేవి కావన్నారు. ఎస్ఈసీ సీరియస్గా వ్యవహరించలేదు కాబట్టే అధికారులు వైకాపా ప్రభుత్వం చెప్పినట్లు నడుచుకుంటున్నారని ఆరోపించారు. మూడు, నాలుగో విడతల్లో జరిగే పంచాయతీ ఎన్నికలైనా..ప్రశాంతంగా, ప్రజాస్వామ్యబద్ధంగా జరిగేలా ఎస్ఈసీ చర్యలు తీసుకోవాలని హితవు పలికారు.
ఇదీచదవండి
