విజయవాడ గొల్లపూడిలోని ఆరోగ్య శాఖ, కుటుంబ సంక్షేమ శాఖ కమిషనర్ కార్యలయం మంగళగిరికి తరలింపును భవన యజమానులు అడ్డుకున్నారు. 11 నెలల అద్దె బకాయి చెల్లించకుండా కార్యలయాలు రాత్రి సమయంలో తరలించటంపై భవన యజమానులు ఆగ్రహం వ్యక్తం చేశారు. కార్యాలయం సామాన్లు ప్యాకింగ్ చేయటానికి వచ్చిన వాహనాన్ని అడ్డుకొని వెనక్కి పంపారు.
ముందస్తుగా చెప్పకుండా ఇలా రాత్రి సమయాల్లో ఖాళీ చేయటం భావ్యం కాదని యజమానులు మండిపడ్డారు. తక్కువ అద్దెకు తమ భవనాన్ని ఆరు సంవత్సరాల క్రితం అద్దెకు ఇవ్వగా ఇప్పుడు ఎక్కువ అద్దెకు మంగళగిరికి కార్యాలయం తరలించటంపై భవన యజమానులు అనుమానాలు వ్యక్తం చేస్తున్నారు. ఉన్నతాధికారులు స్పందించి తమకు రావాల్సిన అద్దె బకాయిలు చెల్లించాలని కోరుతూ నిరసన తెలిపారు.
ఇదీ చదవండి:
