ఇకపై ఒక్క సెక్షన్​కు 40 మంది విద్యార్థులే:మంత్రి సురేశ్

ఇంటర్ ప్రైవేట్ కళాశాలల్లో ఒక్కో సెక్షన్‌కు పరిమిత సంఖ్యలో విద్యార్థులకు అనుమతి కల్పించనున్నారు. గతంలో జారీచేసిన ఉత్తర్వులను సవరిస్తూ ఉన్నత విద్యాశాఖ ఉత్తర్వులు జారీ చేసింది.

ఇకపై ఇంటర్ ప్రైవేట్ కళాశాలల్లో ఒక్కో సెక్షన్​కు పరిమిత సంఖ్యలో విద్యార్థులకు అనుమతించనున్నారు. విద్యా సంస్కరణల్లో భాగంగా ఈ నిర్ణయం తీసుకున్నట్లు మంత్రి ఆదిమూలపు సురేశ్ తెలిపారు. సీబీఎస్​ఈ నిబంధనలకు అనుగుణంగా మార్పులు చేశామన్నారు. సెక్షన్​కు 40 మందిని మాత్రమే చేర్చుకునేలా పరిమితులు కల్పించినట్లు వెల్లడించారు. రెండేళ్లకు కలిపి 720 మందిని మాత్రమే.. చేర్చుకునేలా... పరిమితులు ఉండనున్నాయన్నారు. గతంలో గరిష్ఠంగా ఉన్న 1584 మంది సంఖ్యను కుదించినట్లు మంత్రి సురేశ్ పేర్కొన్నారు.

ఇదీ చదవండి: తితిదే ఆస్తులు ఎట్టిపరిస్థితుల్లోనూ విక్రయించం: వైవీ సుబ్బారెడ్డి